Беларускія цягнікі, якія ідуць транзітам праз Украіну, не будуць спыняцца на шэрагу станцый
У адпаведнасці з паведамленнем Дзяржаўнай адміністрацыі чыгуначнага транспарту Украіны з 10 мая адмяняюцца асобныя прыпынкі міжнародных транзітных пасажырскіх цягнікоў, якія накіроўваюцца па тэрыторыі Украіны, у тым ліку ў Крым.
Для цягніка № 100/99 Мінск — Сімферопаль адменена пасадка і высадка пасажыраў на станцыях Харобічы, Гародня, Камка, Шчорс, Мена, Бахмач, Канатоп, Пуцейская, Пуціўль, Варажба, Смародзіна, Паўлаград-1, Сінельнікава, Новааляксееўка, Мелітопаль.
Для цягнікоў № 302/301 Мінск — Адлер, № 356/355 Мінск — Мінеральныя Воды, № 390/389 Мінск — Анапа: Харобічы, Гародня, Шчорс, Мена, Бахмач, Канатоп, Пуціўль, Варажба, Смародзіна, Кірыкаўка, Багадухаў, Ізюм, Чырвоны Ліман, Арцёмаўск-2, Нікітаўка, Гарлоўка.
Для цягніка № 393/394 Полацк — Сімферопаль адменена пасадка і высадка пасажыраў на станцыях Харобічы, Гародня, Шчорс, Нізкаўка, Мена, Доч, Бахмач-Пас, Талалаеўка, Ромны, Сула, Рамадан, Харол, Вясёлы Падол, Вербкі, Крамянчуг, Карыстаўка, Куцоўка.
Для бесперасадачных вагонаў Мінск — Кішынёў (цягнік № 61/62 Санкт-Пецярбург — Кішынёў фарміравання Малдаўскай чыгункі) выключана пасадка і высадка пасажыраў на станцыях Оўруч, Карасцень, Жытомір, Бердзічаў, Ізраілаўка, Мыткі.
У сувязі са змяненнямі продаж праязных дакументаў да названых станцый не ажыццяўляецца. Пасажыры, якія раней купілі праязныя дакументы, могуць звярнуцца ў чыгуначныя касы для іх вяртання.
БЧ звяртае ўвагу пасажыраў на неабходнасць планаваць паездкі з улікам змяненняў у руху цягнікоў у зносінах з Украінай і сачыць за абнаўленнем інфармацыі на сайце Беларускай чыгункі, а таксама інфармацыйных стэндах і касах чыгуначных вакзалаў.
Каментары