U 2014 hodzie inflacyja ŭ Biełarusi moža pieravysić aficyjny prahnoz u dva razy.
Takaja acenka pryvodzicca ŭ «Makramanitory SND», padrychtavanym analityčnym upraŭleńniem Jeŭrazijskaha banka raźvićcia (JEABR).»Zychodziačy ź miesiačnych tempaŭ rostu indeksa spažyvieckich cen, što nazirajucca ŭ pieršyja miesiacy hoda, isnuje niebiaśpieka pryblizna dvuchrazovaha pieravyšeńnia inflacyjaj metavaha značeńnia ŭ vypadku zachavańnia Nacbankam hrašovaj palityki ŭ ciapierašnim stanie», — ličać ekanamisty Jeŭrazijskaha banka raźvićcia.
Spažyvieckija ceny ŭ krasaviku vyraśli ŭ Biełarusi na 1,6%. Za studzień—krasavik inflacyja ŭ Biełarusi skłała 6,6%.
Miž tym aficyjny prahnoz biełaruskich uładaŭ na hety hod praduhledžvaje źnižeńnie inflacyi da 11% u paraŭnańni ź minułym hodam (u 2013-m spažyvieckija ceny ŭ Biełarusi vyraśli na 16,5%).
Miž tym kiraŭnictva Nacyjanalnaha banka ŭ krasaviku ŭžo zajaŭlała, što prahnozny paramietr pa inflacyi sioleta naŭrad ci budzie vykanany. Zhodna z krasavickaj acenkaj Nacbanka, inflacyja sioleta ŭ Biełarusi moža skłaści 16-17%.
Razam z tym, niahledziačy na bolš vysokija tempy inflacyi ŭ paraŭnańni z aficyjnym prahnozam, Nacbank u krasaviku hetaha hoda źniziŭ staŭku refinansavańnia z 23,5% da 22,5%. Na dumku ekśpiertaŭ, na hety krok hrašovyja ŭłady pajšli pad naciskam urada, jaki nastojvaje na źmianšeńni koštu kredytnych resursaŭ dla pradpryjemstvaŭ.
Ciapier čytajuć
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ7
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary