Pa słovach śpiecyjalistaŭ, našeście termitaŭ pahražaje zachavanaści prezidenckaha pałaca ŭ stalicy Parahvaja Asunśjonie.
«Jany rujnujuć draŭlanyja struktury, padłohi i achoŭnyja pakryćci ŭ niekatorych častkach pałaca», — zajaviŭ architektar Hustava Hłavinič z parahvajskaha ministerstva hramadskich rabot.
Jak śćviardžaje Hłavinič, zachodniaja častka pałaca «Pałas de Łopes» surjozna źjedziena termitami.
Architektar taksama zaniepakojeny tym, što razam z połčyščami termitaŭ u histaryčnym budynku raźvialisia šmatlikija kažany.
«U 2012 hodzie my inviestavali dva miljony dalaraŭ, kab vyratavać častki pałaca, addadzienyja pad prezidenckuju kancylaryju, vajenny kabiniet i cyrymanijalny pakoj», — kaža Hłavinič.
Pavodle jaho słoŭ, restaŭracyja prezidenckaha pałaca ŭ Asunśonie patrabuje dadatkovych układańniaŭ z boku ŭrada, u advarotnym vypadku budynak asudžany na pavolnaje razbureńnie znutry.
U pałacy «Pałas de Łopies», raźmieščanym na bierazie buchty ŭ centry parahvajskaj stalicy, raźmiaščajucca urad krainy i kancylaryja siońniašniaha prezidenta Arasia Kartesa.
Pałac byŭ pabudavany ŭ druhoj pałovie XIX st. pa rasparadžeńni tahačasnaha prezidenta krainy Karłasa Antonia Łopesa.
U hady dyktatury ŭ «Pałas de Łopies» pražyvaŭ hienierał Alfreda Streśnier, jaki kiravaŭ krainaj z 1954 pa 1989 hady.
-
Biełaruski bienzin bje pa kašalkach maskvičoŭ: AZS Rasii vymušany kuplać darahoje paliva ź Biełarusi
-
Kiraŭnik MZS Ukrainy rezka adreahavaŭ na pazbaŭleńnie Zialenskaha ordena i viarnie svaju polskuju ŭznaharodu
-
Prezident Polščy pazbaviŭ Zialenskaha Ordena Biełaha Arła — najvyšejšaj dziaržaŭnaj uznaharody krainy
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary