Biełaruski bienzin bje pa kašalkach maskvičoŭ: AZS Rasii vymušany kuplać darahoje paliva ź Biełarusi
Tempy rostu roźničnych cen na paliva ŭ Maskvie i Padmaskoŭi za apošni tydzień paskorylisia ŭ 3—4 razy, piša «Kommiersant». Praz ukrainskija ataki na rasijskija NPZ, u tym liku Maskoŭski NPZ, u Rasii ŭtvarajucca pieraboi z palivam. Rasijskija niezaležnyja sietki AZS vymušany pieraklučycca na zakupki bolš darahoha biełaruskaha bienzinu, što adbiłasia na ceńnikach dla spažyŭcoŭ.
Pavodle vydańnia, biržavyja prodažy bienzinu biełaruskaj vytvorčaści ŭ Rasii za pieršyja try tydni červienia vyraśli ŭ 51 raz u paraŭnańni z anałahičnym pieryjadam minułaha hoda — da 51,36 tysiačy ton.
Biełaruskaje paliva abychodzicca rasijskim pryvatnym AZS davoli doraha. Na biržy tona biełaruskaha AI-92 kaštuje zvyš 111 tysiač rasijskich rubloŭ, a AI-95 — bolš za 124 tysiačy. Rasijskija naftapradukty na biržy kaštujuć na 37—50% tańniej, adnak nabyć ich niezaležnym sietkam AZS praktyčna niemahčyma z-za deficytu. Bo bujnyja rasijskija kampanii nakiroŭvajuć usie svaje resursy na ŭłasnyja zapraŭki.
U vyniku kupla darahoha biełaruskaha paliva pryviała da taho, što tolki za tydzień u Padmaskoŭi AI-95 padaražeŭ adrazu na 3,44 rasijskaha rubla (na 13 kapiejek), a AI-92 — na 3,87 rasijskaha rubla (na 15 kapiejek).
Situacyjaj z cenaŭtvareńniem na AZS u Maskoŭskim rehijonie ŭžo zacikaviłasia Fiederalnaja antymanapolnaja słužba, jakaja patrabuje ad sietak abhruntavańnia vysokich cen.
Ciapier čytajuć
Staruju kamianicu kala ratušy ŭ Mahilovie rychtavali dla haradskoha muzieja. Ciapier tam robiać ofis rasijskaha pasolstva na čale z byłym ministram «ŁNR»1212
Kamientary