Bolš za 200 čałaviek zahinuli ŭ vyniku vybuchu na šachcie ŭ Turcyi FOTA
Na vuhalnaj šachcie ŭ zachodniaj častcy Turcyi adbyŭsia vybuch, u vyniku čaho zahinuŭ prynamsi 201 čałaviek. Sotni šachcioraŭ pa-raniejšamu znachodziacca pad zavałami.
Trahiedyja adbyłasia na šachcie la horada Soma ŭ pravincyi Manisa, prykładna za 250 km na poŭdzień ad Stambuła.
Jak zajaviŭ mer horada Manisa Dženhiz Erhiun, vyśvietlenaja na dadzieny momant kolkaść achviar moža być nie poŭnaj.
Miarkujecca, što ŭ momant vybuchu pad ziamloj na hłybini kala dvuch kiłamietraŭ znachodzilisia 580 šachcioraŭ. Nie vyklučana, što mnohim ź ich udałosia vyratavacca.
Pa słovach ministra enierhietyki Turcyi Taniera Jyłdyza, pryčynaj vybuchu stała karotkaje zamykańnie.
Jak zajaviŭ ministr u intervju tureckamu telebačańniu, achviary trahiedyi zahinuli z-za atručvańnia čadam.
Tureckija telekanały demanstrujuć kadry, na jakich ratavalniki dapamahajuć harniakam padniacca z šachty na pavierchniu.
Niekatoryja ź ich mohuć iści samastojna, adnak bolšaść dastaŭlajuć na nasiłkach da karetaŭ chutkaj dapamohi.
Tym časam kancylaryja Redžepa Taipa Erdahana abviaściła, što premjer-ministr u suviazi z vybucham na šachcie admianiŭ zapłanavany vizit u Ałbaniju — zamiest hetaha Erdahan nakirujecca da miesca trahiedyi ŭ Somu.
Kamientary