Kaśmičny pirat Charłak
Animacyja, fantastyka, kaśmičnaja opiera
Režysier: Sindzi Aramaki
U rolach: Siun Ahury, Charuma Miura, Ju Aoj, Arata Furuta, Ajana Fukuda, Tasijuki Marykava, Maaja Sakamota, Mijuki Savasira
Japonija, Francyja, ZŠA, 108 chv.
U dalokaj budučyni čałaviectva vynajšła zvyšchutkasny sposab padarožničać u kosmasie i pakinuła Ziamlu.
Kali resursy nablizilisia da zakančeńnia, piaćsot miljadraŭ ludziej vypravilisia ŭ zvarotny šłych, kab znoŭ nasialić rodnuju pranietu. Ale taja nie moža pryniać takuju kolkaść ludziej, i pačałasia vialikaja vajna. U vyniku Orden Hajia abjaviŭ Ziamlu śviatym miescam, a tamu niedasiažnym ni dla kaho.
Kaśmičny pirat Charłak užo sto hadoŭ padarožničaje ŭ kosmasie na «Arkadyi»— karabli, jaki vykarystoŭvaje technałohiju źnikłaj rasy z płaniety Dziura, zasnavanaj na ciomnaj materyi. Jon apanavany idejaj viartańnia na Ziamlu i vynajšaŭ dla hetaha svoj sposab: paviarnuć čas nazad. U ekipaž karabla pranikaje małady ahient Dajba, brat jakoha kiruje fłotam Ordena. Dajba choča pieraškodzić płanu Charłaka, ale daznajecca strašnuju praŭdu…
Film (dakładniej, japonskaja animacyja, jakuju ruka nie padymajecca nazvać multfilmam z-za jakaści karcinki) stvorany pa matyvach adnajmiennaha komiksa i anime, jakija vychodzili u 1977-1979 hadach.
Heta franšyza ličacca nie mienš kultavaj, čym «Zornyja vojny».
U stužcy jość kłasičnyja rysy anime — ad zakručanaha siužeta, u niuansy jakoha ŭniknuć nie tak prosta, da pryhožych zapavolenych kadraŭ. Vysokatechnałahičnaja animacyja dazvoliła stvaryć kaśmičnyja dalahlady vydatnaj jakaści. Film maje rejtynh 6+, ale najbolš spadabajecca sapraŭdnym amataram kaśmičnaj fantastyki.
Ciapier čytajuć
Na svoj dzień naradžeńnia Zialenski z Naŭrockim, Naŭsiedam i Cichanoŭskaj u Vilni ŭšanuje pamiać Kastusia Kalinoŭskaha4
Kamientary