Ukrainskija pamiežniki nie zdoleli zatrymać premjera samaabvieščanaj «Łuhanskaj respubliki» Valeryja Bołatava, kali jon viartaŭsia z Rasii va Ukrainu. Pavodle paviedamleńnia pamiežnikaŭ, uzbrojenyja ludzi napali na pamiežny post, kali Bołataŭ byŭ zatrymany, i adbili jaho. Pavodle ž infarmacyi resursu «Infarmacyjny supraciŭ», paśla pierasiačeńnia miažy Bołatavym pamiežniki dali sihnał kiraŭnictvu Antyterarystyčnaj apieracyi i na pamiežny punkt Daŭžanski byli vysłany dva viertaloty. Adnak pamiežniki ŭ realnaści nie zatrymlivali Bołatava, a prapuścili jaho i jon źjechaŭ na čornym džypie.
Usiaho za sakavik-maj u Danieckaj i Łuhanskaj abłaściach zahinuła 79 čałaviek, jašče 125 było vykradziena bajevikami.
Na siońnia bajeviki kantralujuć bolšaść rajonaŭ Danbasa, a ŭkrainskaja ŭłada — terytoryi, dzie raźmieščanyja značnyja vajskovyja čaści. Pry hetym miascovaja milicyja faktyčna staić na baku sieparatystaŭ.
Asudžany za «Hajun» da chimii brat Ihara Łosika ŭciok ź Biełarusi3
Kamientary