«Nijak nie čakaŭ, što va ŭsioj vobłaści nie znojdziecca i tysiačy mužčyn, hatovych ryzykavać žyćciom nie ŭ svaim horadzie, a na pieradavoj, dzie kožny dzień stralajuć», — skazaŭ jon.
Jon pryznaje, što ŭ Danbasie amal nie znajšłosia achvotnych ustupać u šerahi bajevikoŭ.
Rasijski dyviersant Ihar Hirkin, viadomy pad psieŭdanimam «Strałkoŭ», jaki abviaściŭ siabie Viarchoŭnym Hałoŭnakamandujučym Danbasa.
Kab prysaromić mužčyn, jon zaklikaŭ žančyn Danbasa zapisvacca ŭ bajavyja atrady.
Pra heta Strałkoŭ zajaviŭ u svaim videazvarocie, raźmieščanym na YouTube.
«Kali mužčyny nie zdolnyja, pryjdziecca zaklikać žančyn. Ja addaŭ zahad prymać ich u apałčeńnie. Vielmi škada, što siarod žančyn niama aficeraŭ, ale jakaja roźnica, kali mužčyny aficery da nas nie jeduć zusim», — skazaŭ jon.
Strałkoŭ taksama raskazaŭ, što ciapier jaho atrady składajucca pieravažna mužčyny va ŭzroście daloka za 40, a maładyja ŭ šerahi bajevikoŭ nie iduć. «Va ŭsioj vobłaści nie znajšłosia i pary dziasiatkaŭ mužčyn aficeraŭ, hatovych ŭznačalić atrady», - z horyčču pryznaje jon.
«Mahčyma, zastalisia ličanyja dni, i bajavyja dziejańni, što iduć biez asablivaj žorstkaści, razhornucca ŭ bitvy ź dziesiatkami i sotniami zabitych i paranienych», — adznačyŭ jon.
Strałkoŭ zaklikaŭ usich zdolnych nasić zbroju ŭziać udzieł u bajavych dziejańniach suprać ŭkrainskaj armii. «Dzie tyja 27 tysiač dobraachvotnikaŭ, pry jakich pišuć žurnalisty? Nie naziraju», — z horyčču narakaje jon.
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni13
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary