U Biełarusi hraničnyja maksimalnyja adpusknyja ceny na miasa kuraniat-brojleraŭ pavyšany na 10% — z Br22 506 da Br24 756 za kiłahram.
Takoje rašeńnie źmiaščajecca ŭ pastanovie Ministerstva ekanomiki № 37 ad 19 maja 2014 hoda, tekst jakoha apublikavany siońnia na Nacyjanalnym pravavym internet-partale, paviedamlaje BiełTA.
U toj ža čas źnižany hraničnyja maksimalnyja handlovyja nadbaŭki da adpusknych cen vytvorcaŭ na miasa kurej, kuraniat- brojleraŭ i paŭfabrykaty ź ich.
Maksimalnyja handlovyja nadbaŭki da adpusknych cen na kuracinu źnižany z 20% da 18% dla bolšaści arhanizacyj handlu i indyvidualnych pradprymalnikaŭ, z 22% da 20% — dla arhanizacyj spažyŭkaapieracyi, adździełaŭ i ŭpraŭleńniaŭ rabočaha zabieśpiačeńnia i niekatorych inšych katehoryj. Taksama niaznačna źnižany handlovyja nadbaŭki da adpusknych cen na bujnakavałkavyja paŭfabrykaty ź jałavičyny i śvininy, katletnaje miasa, miasakostnyja nabory z 18% da 16% dla pieršaj hrupy arhanizacyj i z 20% da 18% dla druhoj.
Abodva pastanovy ŭstupajuć u siłu paśla aficyjnaha apublikavańnia.
Nahadajem, što dva tydni tamu ŭ Biełarusi značna vyraśli ceny na śvininu.
Ciapier čytajuć
Na vajskovyja zbory masava zabirajuć hrodziencaŭ. A što minčuki? Padrychtujciesia, vaša čarha — 2027‑2028 hady5
Na vajskovyja zbory masava zabirajuć hrodziencaŭ. A što minčuki? Padrychtujciesia, vaša čarha — 2027‑2028 hady
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2929
Kamientary