У Беларусі гранічныя максімальныя адпускныя цэны на мяса куранят-бройлераў павышаны на 10% — з Br22 506 да Br24 756 за кілаграм.
Такое рашэнне змяшчаецца ў пастанове Міністэрства эканомікі № 37 ад 19 мая 2014 года, тэкст якога апублікаваны сёння на Нацыянальным прававым інтэрнэт-партале, паведамляе БелТА.
У той жа час зніжаны гранічныя максімальныя гандлёвыя надбаўкі да адпускных цэн вытворцаў на мяса курэй, куранят- бройлераў і паўфабрыкаты з іх.
Максімальныя гандлёвыя надбаўкі да адпускных цэн на кураціну зніжаны з 20% да 18% для большасці арганізацый гандлю і індывідуальных прадпрымальнікаў, з 22% да 20% — для арганізацый спажыўкааперацыі, аддзелаў і ўпраўленняў рабочага забеспячэння і некаторых іншых катэгорый. Таксама нязначна зніжаны гандлёвыя надбаўкі да адпускных цэн на буйнакавалкавыя паўфабрыкаты з ялавічыны і свініны, катлетнае мяса, мясакостныя наборы з 18% да 16% для першай групы арганізацый і з 20% да 18% для другой.
Абодва пастановы ўступаюць у сілу пасля афіцыйнага апублікавання.
Нагадаем, што два тыдні таму ў Беларусі значна выраслі цэны на свініну.
Цяпер чытаюць
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі12
Каментары