Ludzi Ch: Dni minułaha budučaha
Žanr: fantastyka, fentezi, bajavik, pryhody
Režysior: Bajan Sinhier
U rolach: Chju Džekman, Džejms MakEvaj, Majkł Faśbiendar, Dženifier Łoŭrans, Ien MakKielen, Patryk Ściuart, Nikałas Chołt, Elen Pejdž, Choli Biery.
ZŠA, Vialikabrytanija, 131 chv.
U niedalokaj budučyni adbyłasia vialikaja vajna suprać mutantaŭ. Pryznačanyja dla ich vyniščeńnia Vartaŭniki (robaty, stvoranyja pry dapamozie ŭnikalnaj DNK mutanta Mistyk) vyjšli z-pad kantrolu i zabivajuć nie tolki mutantaŭ, ale i ludziej.
Adzinaja nadzieja paźbiehnuć takoha pavarotu — źmiena padziej u minułym, miarkuje prafiesar Ksaŭje i Mahnieta. Z dapamohaj mutanta Kici Prajd u minułaje adpraŭlajecca Rasamacha da jašče maładych Čarlza (Ksaŭje) i Eryka (Mahnieta), kab źmianić klučavuju padzieju, što pryviała da vajny: zabojstva Traska, jaki prydumaŭ robataŭ. A taksama źmianić los jaho zabojcy, mutanta Mistyk, bo praz heta jana była źniavolenaja, i karparacyja Traska atrymała jaje DNK.
Film źjaŭlajecca sikviełam adrazu troch častak znakamitaj franšyzy pra ludziej Ch («Ludzi Ch: Apošniaja bitva» (2006), «Ludzi Ch: Pieršy kłas» (2011), «Rasamacha: Bieśśmiatrotny» (2013)) i źniaty pa matyvam adnajmiennaha komiksa.
Nadzvyčaj nasyčany siužet siomaha filma suśvietu Marvel pra mutantaŭ abjadnaŭ najlepšych akcioraŭ, sapraŭdnymi zorkami stali MakEvaj i Faśbiendar, jakija niadaŭna dałučylisia da prajekta ŭ rolach maładych prafiesara Ksaŭje i Mahnieta adpaviedna. Adna z najlepšych častak, adnačasova dynamičnaja i liryčnaja.
Cikava, što sikvieł admianiaje padziei, jakija adbyvalisia ŭ častkach «Ludzi Ch: Pačatak. Rasamacha» i «Rasamacha: Bieśśmiarotny», a za kancepcyju padarožžaŭ u časie ŭziataja ciapier papularnaja ŭ fizicy teoryja strun.
Ciapier čytajuć
Spalnyja miescy ŭ «Minsk-Śviecie» mohuć vyklikać kłaŭstrafobiju. Jak ekanomiać prastoru ŭ sučasnych kvaterach-studyjach9
Kamientary