Minsk dasiahnuŭ značnych pośpiechaŭ u baraćbie z barščeŭnikam Sasnoŭskaha. Jak paviedamiła namieśnik staršyni Minskaha haradskoha kamiteta pryrodnych resursaŭ Taćciana Dubik na pres-kanfierencyi, płošča raspaŭsiudžvańnia hetaj niebiaśpiečnaj raśliny skaraciłasia z 200 da 14,2 hiektara, piša Smartpress.by.
Pavodle słoŭ Dubik, vykarystoŭvajecca kompleksny padychod: ručnyja, miechaničnyja i chimičnyja mietady baraćby. Sioleta ŭžo zavieršana chimičnaja apracoŭka ŭsich viadomych miescaŭ prarastańnia.
A kvitniejučyja raśliny razhladajucca jak nadzvyčajnaja situacyja — adna takaja raślina daje dziesiatki tysiač nasieńnia.
Čamu heta tak składana?
-
Nasieńnie barščeŭnika zachoŭvaje ŭschodžaść u hlebie da 8 hadoŭ, a sama raślina moža «adkładać» ćvicieńnie na hady, čakajučy spryjalnych umoŭ.
-
Adna raślina daje da 100 000 nasieńnia, što robić jaje nadzvyčaj žyvučaj.
Čym niebiaśpiečny barščeŭnik?
Apioki skury: sok raśliny źmiaščaje furnakumaryny, jakija pad uździejańniem sonca vyklikajuć puchiry i rany, jakija doŭha nie zahojvajucca.
Pahroza ekałohii: barščeŭnik vyciaśniaje miascovyja vidy, źnižajučy bijaraznastajnaść.
Zamiest barščeŭnika — załatarnik?
Pavodle Dubik, za hod płošča raspaŭsiudžvańnia hetaj invaziŭnaj raśliny — kanadskaha załatarniku — pavialičyłasia na 40 % — sa 157 da 219 hiektaraŭ. Dla paraŭnańnia, heta raŭnacenna terytoryi bolš za 300 futbolnych paloŭ.
Asnoŭny sposab baraćby zastajecca tradycyjnym — rehularnaje miechaničnaje skošvańnie.
«Dadatkova praviadziem chimičnuju apracoŭku najbolš bujnych ačahoŭ prarastańnia załatarniku. Hety etap rabot musić być zavieršany da 20 červienia», — adznačyła ekśpiert.
Takija terminovyja miery tłumačacca ahresiŭnaściu załatarniku — adna raślina zdolnaja vyrablać da 20 tysiač nasieńnia, jakoje chutka raznosicca vietram. Asablivuju niebiaśpieku jon ujaŭlaje dla miascovych ekasistem, vyciaśniajučy abaryhiennyja vidy raślin.
-
Rasijaninu, jaki pjanym pabiŭsia z achoŭnikami minskaha mietro, vynieśli łahodny prysud
-
Łatuška pra mahčymaść vajny ŭ Biełarusi: Heta ž varjactva, nie ŭjaŭlaju, jak kramloŭskaja prapahanda budzie tłumačyć heta
-
«Da kanca hoda, spadziajusia, zmožam realizavać adnu-dźvie rečy». Babaryka — pra svoj novy prajekt i biełaruskuju movu
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»30
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary