Stvaralnik «Niechta» adkazaŭ, ci adčuvaje adkaznaść za nastupstvy pratestaŭ
Ściapan Puciła taksama padzialiŭsia svaim bačańniem taho, jak pracujuć biełaruskija niezaležnyja miedyja.
Stvaralnik miedyjaprajekta «Niechta» Ściapan Puciła ŭ novym vypusku TOKu adkazaŭ, ci adčuvaje jon piersanalnuju adkaznaść za achviary siarod pratestoŭcaŭ i najaŭnaść u Biełarusi palitviaźniaŭ.
«Adkaznaść za heta niasie režym. Tamu što jon zabivaŭ, źniščaŭ, katavaŭ ludziej. Jon usio heta pravodziŭ», — vykazaŭ svaju pazicyju Ściapan Puciła.
«Biezumoŭna, ja adčuvaju adkaznaść [za toje], ci možna było štości pa-inšamu zrabić, ci možna było b paźbiehčy hetych achviar. Dumaju pra heta», —
kaža Ściapan i dadaje, što ŭ vyniku razvah jon pryjšoŭ da nastupnaj vysnovy:
«Treba praciahvać baraćbu z hetym režymam, niahledziačy na toje, što jon choča zaraz usio załahodzić, pieraharnuć staronku (…) Łukašenka vyzvalaje kahości, (…) a nabiraje potym novych palitviaźniaŭ. I heta koła budzie biaskonca krucicca.
Režym nie źmienicca. Režym budzie praciahvać abaraniać siabie ŭsimi srodkami. U tym liku zbrojaj — zabivać ludziej. I adzinaje vyjście — heta praciahvać baraćbu z hetym režymam. Ale adekvatnuju, bieź niepatrebnych achviar, biez taho, kab padstaŭlacca. Treba bolš razumna, bolš technałahična, inšymi sposabami.
Pakul idzie infarmacyjnaja baraćba. I ja dumaju, što my ŭ joj davoli paśpiachova dziejničajem. Ja kažu pra ŭsie biełaruskija miedyja. I varta pakul praciahvać jaje, rychtavać siły na momant iks, jaki, biezumoŭna, budzie».
«Nam varta praciahvać nazapašvać siły i rychtavacca da samych roznych scenaryjaŭ, jakija mohuć adbycca. Nie svarycca adno z adnym, (…) pakul jość adziny vorah, adzinaja meta, suprać jakoj usie my i zmahajemsia».
Ściapan Puciła patłumačyŭ infarmacyjnuju palityku svajho prajekta:
«My ŭ adkrytuju kažam: «My suprać hetaha režymu». Šmat jakija miedyja zastajucca ŭ bolš takich strohich žurnalisckich standartach u klučy «my niezaležna aśviatlajem padziei». Ale ŭsie my razumiejem, što viadziecca baraćba i za rozumy. Infarmacyjnaja baraćba. I baraćba suprać hetaha režymu.
Kali b dla jaho nie było heta niebiaśpiečnym, jon by ŭžo spyniŭ hetuju baraćbu, vyzvaliŭ by palitviaźniaŭ, skazaŭ: «Vy — nichto. Biehłyja mianie nie chvalujuć. Dla mianie heta nie źjaŭlajecca niebiaśpiekaj». A jon praciahvaje cisk. Heta značyć, što my žyvyja, my praciahvajem i abaviazkova pieramožam».
Kamientary
Značyć piače!
Zastavajciesia na miescy - budzie piekčy bolej!
jakaja zručnaja dziciačaja pazicyja
I zbor na Stele 9 žniŭnia 2020 hoda režym pryznačaŭ? Idealnaje miesca dla karnikaŭ, darečy.
Da što tam Puciła. U jaho ŭsio dobra ŭ Varšavie. Vuń navat Pratasievič, u jakoha ŭsio dobra ŭ Miensku, i to maŭčyć. Chacia zdajecca režymu było b vielmi karysna, kab Roma raspavioŭ pra start prajekta. Akazvajecca, što - nie.
Jakaja ž tut adkaznaść? I kaho? Uva ŭsich, akramia paciarpiełych miljonaŭ biełarusaŭ, to ŭsio dobra. A voś narod - "vinavaty". A režym byŭ złačynnym i ŭ čas, kali Ściapan nie naradziŭsia.