Apoŭdni ŭ centry Antracyta Łuhanskaj vobłaści terarysty zabili maładoha čałavieka, jaki patrabavaŭ, kab jany vymiatalisia z horada.
Pra heta «Ukrainskaj praŭdzie» paviedamiŭ błohier z Łuhanska Siarhiej Ivanoŭ.
«U Antracycie na prypynku kala Rudaremontnaha zavoda pa vulicy Rastoŭskaj jość błokpost. Tudy pamiž 12 i 13 hadzinami padyšoŭ małady čałaviek 25-30 hadoŭ u čornaj futbołcy. Jon pačaŭ łajacca na sieparatystaŭ, jakija stajali na błokpaście. Jon kryčaŭ, kab janyvymiatalisia z horada, nibyta kinuŭ ci to chłapušku, ci to pietardu», — raspavioŭ Ivanoŭ.
«U adkaz na heta jamu z błokpasta prastrelili hałavu. Potym jaho kinuli ŭ «Haziel» i pavieźli ŭ nieviadomym napramku», — dadaŭ jon.
Pa stanie na 16 hadzin nie viadoma, kim źjaŭlajecca zabity mužčyna.
Pa słovach Ivanova, Antracyt źjaŭlajecca adnym z najbolš militazaryzavanych haradoŭ u Łuhanskaj vobłaści. «U horadzie ludzi bajacca vychodzić na vulicy. U im poŭna čačenaŭ, «cierskich kazakoŭ» i zbroi», — dadaŭ jon.
Ciapier čytajuć
20-hadovaja dziaŭčyna z Bresta zapisała žartaŭlivy tyktok pra śmierć u DTZ — i ŭ toj ža viečar raźbiłasia8
Kamientary