U kiraŭnika dyrekcyi pa praviadzieńni čempijanatu pa chakiei ŭ Minsku Jaŭhiena Vorsina skłałasia samaje dobraje ŭražańnie ad naviedvańnia zon haścinnaści ŭ stalicy. Ab hetym jon raskazaŭ 27 maja, padvodziačy vyniki spartyŭnaha pieršynstva.
«Na moj pohlad, heta niejkaje nou-chau, kali zaŭziatary chakieja źbirajucca ŭ adnym miescy, pryčym tradycyjna, abmiarkoŭvajuć pierypietyi chakiejnych matčaŭ, turnirnuju situacyju i pry hetym majuć mahčymaść karystacca ŭsim tym, što pryhatavaŭ handal, — ličyć Vorsin. — Usie pryjšli da vysnovy, što pry praviadzieńni inšych mierapryjemstvaŭ treba stvarać, abstaloŭvać prykładna takija ž miescy dla sustreč zaŭziataraŭ, dla abmienu mierkavańniami, dla sprečak, mahčyma, dyskusij, ale heta dobraja forma pracy».
Jon prakamientavaŭ niehatyŭnaje mierkavańnie, vykazanaje ŭ haziecie «Saviecki sport» nakont pracy zon haścinnaści. Žurnalist hetaha vydańnia napisaŭ, što naziraŭ za «ahidnaj, niastrymnaj i absalutna adkrytaj tatalnaj pjankaj na vulicach Minska».
«Absurd — toje, što jon kaža, — zajaviŭ Vorsin. — Chiba možna ličycca z takim mierkavańniem adnaho čałavieka, kali sotni, tysiačy ludziej kažuć advarotnaje».
Na dumku Vorsina, napłyvu turystaŭ u našu krainu čakać možna.
«Turysty zaraz razumiejuć, z čym možna tut paznajomicca, jakija ŭmovy pražyvańnia, charčavańnia, raźmiaščeńnia. Heta ŭsio toj stanoŭčy imidž, jaki farmujecca dziakujučy prysutnaści ŭ krainie, nasupierak voś takim artykułam u «Savieckim sporcie», — zajaviŭ jon. — Tamu ja b radziej zaziraŭ u takija vydańni, a pabolš by słuchaŭ prostych i narmalnych ludziej z dobrym usprymańniem, jakija kažuć pra stanoŭčaje čaściej, čym pra admoŭnaje».
Taksama Jaŭhien Vorsin raspavioŭ pra finansavy składnik čempijanatu śvietu pa chakiei ŭ Minsku. Pavodle jaho słoŭ, na praviadzieńnie pieršynstva vydatkavana 8-10 młn jeŭra.
Asnoŭnymi artykułami raschodaŭ jon nazvaŭ raźmiaščeńnie aficyjnych asob i ŭdzielnikaŭ čempijanatu, charčavańnie, transpartnyja raschody, utrymańnie sudziejskaha aparatu. Čysta spartyŭnaja častka — heta areny, miedycynskaje absłuhoŭvańnie i hetak dalej.
«Papiaredni analiz pa realizacyi biletaŭ pakazvaje, što my zarabili dzieści da 150 młrd rubloŭ, — skazaŭ Vorsin. — Heta značyć, biletnaja prahrama realizavanaja ź pieravyšeńniem našych prahnoznych pakazčykaŭ. Prahnoz nami zrobleny zychodziačy z naviedvalnaści matčaŭ hledačoŭ na papiarednim etapie da 65%, a finalny etap 82%. Realii apynulisia bolš spryjalnyja. U nas papiaredni etap byŭ na ŭzroŭni akurat 82%, a ŭžo finalnaja častka nabližałasia da 100% naviedvalnaści».
Akramia taho, adznačyŭ Vorsin, Biełaruś jašče zarabiła na rekłamie partnioraŭ i sponsaraŭ, na pravie vykarystańnia łahatypa čempijanatu śvietu, talismana i hetak dalej.
«Ad realizacyi takich pakietaŭ my atrymali prykładna 1,1-1,2 młn jeŭra, — zajaviŭ jon. — Taksama bolš za 70 tysiač jeŭra my atrymali ad realizacyi licenzijnych prajektaŭ. Heta značyć usie arhanizacyi, jakija zaklučyli z nami licenzijnyja dahavory na prava vykarystańnia łahatypa čempijanatu na vypuskanaj pradukcyi, adličvali nam ad 1% da 2% ad abjomu realizavanaj pradukcyi. Heta asnoŭnyja artykuły dachodaŭ, na jakija my raźličvali».
Adkazvajučy na pytańnie, ci atrymałasia pakryć ahulnuju sumu raschodaŭ u 8-10 młn jeŭra, kiraŭnik dyrekcyi pa praviadzieńni čempijanatu adkazaŭ śćviardžalna.
-
«Biełaruś — najlepšaja kraina. Ale treba padrychtavacca». Mužčyna čyściŭ telefon, ale jaho ź siamjoj usio roŭna zatrymali na miažy
-
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
-
Taksistam zahadali terminova źniać usiu rekłamu kazino i bukmiekieraŭ z bartoŭ mašyn
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni13
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary