U Słaviansku i Kramatorsku (Danieckaja vobłaść) pačałasia poŭnamaštabnaja antyterarystyčnaja apieracyja z prymianieńniem artyleryi i avijacyi. Pracujuć ŭstanoŭki załpavaha ahniu « Hrad».
Pra heta ahienctvu Ostrov stała viadoma z ułasnych krynic, hetuju infarmacyju paćviardžajuć i vidavočcy ŭ sacsietkach.
«U Słaviansku i Kramatorsku pačałasia bujnamaštabnaja ATA. Idzie abstreł ahniavych pazicyj bajevikoŭ z pavietra, pracujuć ŭstanoŭki załpavaha ahniu «Hrad», - raspavioŭ surazmoŭca.
«Tak, idzie ATA. Pa horadzie nosiacca «chutkija». A bajeviki śpiecyjalna zachodziać u žyłyja kvartały, robiać załpy pa ŭkrainskich pazicyjach i jašče da taho, jak našy adkryvajuć ahoń u adkaz, źjazdžajuć z hetaha miesca. A našy, atrymlivajecca, bjuć pa žyłych kvartałach. Darečy, realnyja bajeviki (kvadratnyja mužyki, jakija addavali kamandy) z horada pajšli, zastalisia našy 20-hadovyja idyjoty i taŭstazadyja 45-50 letnija mužyki z dobrymi tvarami», - raspaviadaje inšy surazmoŭca.
U svaju čarhu, u Tvitery «Svabodny Słaviansk» karystalniki pišuć: «Kažuć, što z Čereŭkoŭki nie vypuskajuć ludziej, byccam by idzie nastup ź viertalotami i samalotami».
Ciapier čytajuć
«Dzieci sa mnoj». Žurnalisty dazvanilisia da byłoha muža Anžaliki Mielnikavaj i spytali, dzie moža być śpikierka KR7
Kamientary