Viadomy biełarusam jašče z 2010-ch hadoŭ aŭkcyjon Exleasingcar niadaŭna adnaviŭ mahčymaść udzielničać u tarhach fizičnym asobam ź Biełarusi. I heta dobraja navina, pakolki ciapier luby biełarus znoŭ moža nabyć sabie mašynu z aŭkcyjonu, nie pierapłačvajučy firmam-pasiarednikam. Pra toje, jak heta zrabić — u našym materyjale.
Jakija mašyny pradajuć na jeŭrapiejskich aŭkcyjonach?
U adroźnieńnie ad amierykanskich strachavych aŭkcyjonaŭ, na jeŭrapiejskich lizinhavych placoŭkach pradajuć niabityja aŭtamabili. Bolšaści mašyn ad 3 da 5 hadoŭ, što vyhadna dla biełarusaŭ, pakolki na hetyja aŭtamabili dziejničajuć samyja nizkija mytnyja staŭki.
Mašyny, jakija traplajuć na aŭkcyjon, naležać bankam abo lizinhavym kampanijam, tamu ŭvieś pieryjad ekspłuatacyi prachodziać absłuhoŭvańnie ŭ aficyjnaha dylera pavodle rehłamientu, bo heta abaviazkovaja ŭmova dla lizinhu.
Pierad tym jak źjavicca na tarhach, kožny aŭtamabil prachodzić niezaležnuju ekśpiertnuju acenku, dzie paznačajucca ŭsie paškodžańni na kuzavie i ŭ sałonie. Heta daje mahčymaść pakupnikam dystancyjna atrymać vyčarpalnuju infarmacyju pra stan aŭto.
Pieršapačatkova aŭkcyjony — heta instrumient dla aŭtamabilnych dyleraŭ, dzie jany nabyvajuć aŭto, nadajuć jamu tavarny vyhlad i pierapradajuć u svaich aŭtachaŭsach. Na aŭkcyjony ž mašyny traplajuć u stanie «jak jość» bieź nijakaj pieradprodažnaj padrychtoŭki.
Častka aŭkcyjonnych placovak nikoli nie pracavała ź fizičnymi asobami ź Biełarusi, a inšyja prypynili pracu ź biełarusami paśla pačatku vajny.
Ale niadaŭna viadomy biełarusam jašče z 2010-ch hadoŭ aŭkcyjon Exleasingcar adnaviŭ mahčymaść udzielničać u tarhach fizičnym asobam ź Biełarusi. Tamu ciapier luby biełarus znoŭ moža nabyć sabie mašynu z aŭkcyjonu, nie pierapłačvajučy firmam-pasiarednikam.
Novaja abjava na sajcie Exleasingcar.com, jakaja źjaviłasia paśla taho, jak placoŭka adnaviła pracu ź fizičnymi asobami ź Biełarusi
Jak samomu nabyć aŭto praz aŭkcyjon
Kab pačać prahladać mašyny i rabić staŭki, dastatkova prajści biaspłatnuju rehistracyju na sajcie. Paśla pravierki dakumientaŭ vy atrymlivajecie dostup da aŭkcyjonu i mahčymaść rabić staŭki.
Prosty i zrazumieły interfiejs placoŭki dazvalaje chutka razabracca ź im navat tym, chto raniej nikoli nie sutykaŭsia z aŭtamabilnymi aŭkcyjonami.
Kožnaja mašyna maje padrabiaznaje apisańnie, šmat fota, vyniki niezaležnaj ekśpiertyzy i servisnuju historyju.
Kalkulatar praličvaje ŭsie administracyjnyja i apieracyjnyja vydatki, a taksama košt dastaŭki.
Try varyjanty dastaŭki
Tyja, chto majuć vizu, mohuć zabirać mašynu ŭ Litvie, u Maryjampali, dzie znachodzicca hałoŭny ofis Exleasingcar, abo ŭ Biełastoku.
Kali vizy ci prosta žadańnia zabirać mašynu samastojna niama — Exleasingcar dastaŭlaje mašyny aŭtavozami ŭ Minsk. Hruz zastrachavany na ŭsim šlachu.
Pa asartymiencie mašyn, jakija stajać na placoŭcy ŭ Maryjampali, možna zrabić vysnovu, što bolšaść hetych aŭto čakajuć adpraŭki mienavita ŭ Biełaruś.
Aŭtamabili, jakija jeduć svaim chodam, majuć padrychtavany zahadzia poŭny pakiet dakumientaŭ: litoŭskija tranzitnyja numary, strachoŭku i ekspartnuju dekłaracyju. Mašyny biez numaroŭ dastaŭlajuć na SVCH u Minsk aŭtavozami.
Pa słovach supracoŭnikaŭ Exleasingcar, kala 80% ich klijentaŭ — heta pakupniki ź Biełarusi. U asnoŭnym — pierakupy i kampanii-pasiaredniki. Na druhim miescy — ukraincy.
«Pryvatnych pakupnikoŭ ź Biełarusi ciapier nie šmat, bo mnohija dumajuć, što my dahetul nie pracujem ź fizičnymi asobami ź Biełarusi, ale heta nie tak», — kaža mieniedžar kampanii Jaŭhien.
Toj fakt, što ciapier asnoŭnyja klijenty — heta pierahonščyki, jakija kuplajuć mašyny na pieraprodaž, tolki paćviardžaje, što kupla aŭto na lizinhavym aŭkcyjonie vyhadnaja.
Mieniedžar kaža, što prynamsi raniej siarod pryvatnych klijentaŭ było niamała tych, chto kuplaŭ mašynu dla siabie, jeździŭ na joj paŭhoda-hod, pradavaŭ i potym znoŭ kuplaŭ sabie mašynu na aŭkcyjonie.
«Nie tolki pierakupam vyhadna kuplać aŭto paśla lizinhu», — śćviardžaje Jaŭhien.
Toj, chto biare mašynu na pieraprodaž, vystaŭlaje jaje na rynak adrazu paśla pieradprodažnaj padrychtoŭki. Pry dobrym raskładzie mašynu ŭ siarednim pradajuć na praciahu miesiaca, i tak pa kole.
U tych, chto kuplaje «dla siabie», matematyka krychu inšaja. Praz hod ekspłuatacyi mašyna stanovicca starejšaj, prabieh pavialičvajecca, tamu jana hublaje ŭ košcie. Ale kali čałaviek biare takuju mašynu nie na miascovym rynku, a kuplaje naŭprost praz aŭkcyjon, to pry prodažy jon ničoha nie hublaje, pakolki pieršapačatkova mašyna była nabytaja tańniej za rynkavy košt», — tłumačyć mieniedžar.
U Exleasingcar ličać pamyłkovym mierkavańnie pra toje, što ŭ Jeŭropie ŭsie mašyny majuć vialiki prabieh, bo mašyn z małym prabieham pradajecca šmat, ale praz bolš vysokuju canu jany nie karystajucca takim vysokim popytam, jak varyjanty z prabieham bolš za 100 tysiač.
U lubym vypadku, jakim by ni byŭ prabieh u mašyny paśla lizinhu, jon 100% budzie aryhinalnym, čaho nie skažaš pra biełaruski rynak.
Toje, što mnohija mašyny, nabytyja niekali na aŭkcyjonie, u Biełarusi prachodziać praceduru «amaładžeńnia», lohka pravieryć, zirnuŭšy na niekalki abjaŭ pa prodažy papularnych dla pryhonu aŭto.
Tak, naprykład, VW Passat B8, jaki pradajuć u Biełarusi z zajaŭlenym prabieham 144 tysiačy kiłamietraŭ.
Na jeŭrapiejskim aŭkcyjonie jašče ŭ 2024 hodzie hety VW Passat byŭ pradadzieny z prabieham 213 tysiač.
Padobnaja situacyja i z Peugeot 308, jaki pryhnali ŭ Biełaruś letam 2024 hoda.
Na aŭkcyjonie mašynu pradali z prabieham 206 tysiač kiłamietraŭ, a viasnoj 2025 hoda pradajuć z 140 tysiačami kiłamietraŭ na adomietry.
Tamu samastojnaja kupla aŭto na jeŭrapiejskim lizinhavym aŭkcyjonie — heta nie tolki dobraja mahčymaść zekanomić, ale i 100% harantyja taho, što mašyna budzie mieć sapraŭdny prabieh.
Hałoŭny ofis aŭkcyjonu Exleasingcar u Litvie, horad Maryjampal
Exleasingcar — heta mižnarodnaja płatforma aŭtamabilnych aŭkcyjonaŭ Hiermanii, Francyi, Italii, Niderłandaŭ, Bielhii i inšych krain ES, jakaja ŭžo bolš za 20 hadoŭ dapamahaje kuplać aŭtamabili z prazrystaj historyjaj.
Rekłamny materyjał padrychtavany ŭ supracoŭnictvie z Exleasingcar.
Čamu Cichanoŭskaja nie pajechała na pachavańnie Papy?23
Kamientary
Na onłajnierie kstati tožie niedavno była staťja, hdie čieł rasskazyvał, kak sam mašiny s aukcionov v Jevropie, vozmožno dažie s etoho žie. Tak tam tožie poriadok cifr za dostavku był značitielno nižie, čiem pri pokupkie čieriez biełorusskije kontory