Biełaruś i Rasija damovilisia ab abjomach pastavak nafty i novym paradku pieraličeńnia ekspartnych pošlin na naftapradukty

Biełaruś i Rasija damovilisia ab abjomach pastavak nafty i novym paradku pieraličeńnia ekspartnych pošlin na naftapradukty. Adpaviednyja dakumienty padpisany siońnia ŭ Astanie.

U pryvatnaści, padpisany Pratakoł ab ŭniasieńni źmianieńniaŭ u Pahadnieńnie ab mierach pa ŭrehulavańni handlova-ekanamičnaha supracoŭnictva ŭ halinie ekspartu nafty i naftapraduktaŭ, a taksama Pratakoł ab ŭniasieńni źmianieńniaŭ u Pahadnieńnie ab paradku vypłaty i zaličeńnia vyvaznych mytnych pošlin pry vyvazie za miežy mytnaj terytoryi Mytnaha sajuza nafty syroj i asobnych katehoryj tavaraŭ, vypracavanych z nafty. Abodva dakumienty ź biełaruskaha boku padpisaŭ člen Prezidyuma Savieta Ministraŭ Siarhiej Rumas.

Jak patłumačyŭ žurnalistam paśla cyrymonii padpisańnia namieśnik ministra finansaŭ Biełarusi Dźmitryj Kijko, praduhledžvajecca, što ŭ 2015 hodzie ŭ biudžet Biełarusi budzie zaličany $1,5 młrd vyvaznych mytnych pošlin ad ekspartu naftapraduktaŭ, vypracavanych z rasijskaj nafty. «Da 2015 hoda, uklučajučy 2014 hod, takija pieraličeńni ŭ biudžet Rasijskaj Fiederacyi Respublikaj Biełaruś ažyćciaŭlajucca ŭ poŭnym abjomie. Štohod hetaja suma składaje ad $3,5 młrd da $ 4 młrd», — adznačyŭ jon.

Pa słovach Dźmitryja Kijko, damoŭlenaść raźličana na doŭhaterminovy pieryjad praktyčna da vychadu na adziny rynak nafty i naftapraduktaŭ. «Pry hetym jość dosyć hnutki miechanizm pierahladu hetych pamiežnych sum. Biełaruski bok taki miechanizm razumieje jak mahčymaść paetapna poŭnaj admovy ad pieraličeńnia vyvaznych mytnych pošlin u rasijski biudžet», — zajaviŭ namieśnik ministra.

Razam z tym Dźmitryj Kijko adznačyŭ, što zadača maksimum składałasia ŭ poŭnaj admovie ad pieraličeńnia vyvaznych mytnych pošlin na adpaviednuju pradukcyju ŭ biudžet Rasijskaj Fiederacyi ŭžo z 2015 hoda, što ŭ pryncypie i maje na ŭvazie ekanamičny sajuz. «Ale, pakolki hetaje pytańnie dosyć adčuvalnaje i dla Biełarusi, i dla Rasii, farmiravańnie ahulnaha rynku adkładziena na dosyć praciahły termin. Sumu ŭ $1,5 młrd my razhladajem jak pieršy etap vychadu na ŭzajemaadnosiny biez hetych abmiežavańniaŭ», — skazaŭ namieśnik ministra.

Damoŭlenaści pa pastaŭkach nafty žurnalistam prakamientavaŭ vykonvajučy abaviazki namieśnika Staršyni praŭleńnia kancerna «Biełnaftachim» Uładzimir Sizoŭ. «Nam było vielmi važna na pierachodny pieryjad vyznačyć abjomy pastavak nafty, kab mieć stabilnuju zahruzku našych naftapierapracoŭčych mahutnaściaŭ, mieć prymalny košt na ŭnutranym rynku i nasyčany biudžet za košt ekspartnych pastavak naftapraduktaŭ», — skazaŭ jon.

Pa słovach Uładzimira Sizova, dvuchbakovaja damoŭlenaść rehuluje abjomy pastaŭki nafty na biełaruskija NPZ. Tak, u 2015 hodzie ahulny abjom pastavak składzie 23 młn t, u tym liku 22 młn t — trubapravodnym transpartam. U nastupnyja hady abjomy pastavak pavialičacca da 24 młn t, i ź ich 23 młn t — trubapravodnym transpartam.

• 0
• 0
• 0
• 0
• 0
• 0
• 0
• 0