Minski mietrapaliten atrymaŭ mižnarodnuju premiju «Załataja kalaśnica»
Minski mietrapaliten staŭ łaŭreatam prestyžnaj Mižnarodnaj transpartnaj premii «Załataja kalaśnica» ŭ naminacyi «Lepšaje pradpryjemstva hramadskaha pasažyrskaha transpartu».
Ab hetym paviedamiŭ pres-sakratar mietrapalitena biełaruskaj stalicy Andrej Kuźmin.
Minski mietrapaliten staŭ pieršym transpartnym pradpryjemstvam Biełarusi, jakoje ŭdastojena premii «Załataja kalaśnica». Dypłom i statuetka ŭ vyhladzie pazałočanaj trojki koniej, zaprežanych u kalaśnicu, byli ŭručany načalniku Minskaha mietrapalitena Raścisłavu Jureniu na maskoŭskaj cyrymonii ŭšanoŭvańnia łaŭreataŭ.
Hetaj premii kalektyŭ minskaj padziemki ŭdastojeny na padstavie rekamiendacyj Mižnarodnaj asacyjacyi mietro i ŭ suviazi z majučym adbycca 30-hadovym jubilejem pradpryjemstva. Jak adznačyli ŭ arhkamitecie konkursu, takoje pryznańnie z boku mižnarodnaj transpartnaj supolnaści simvalizuje vysokuju acenku ŭkładu ŭsiaho kalektyvu ŭ dynamičnaje raźvićcio Minskaha mietrapalitena.
Aŭtarytetny mižnarodny konkurs byŭ zasnavany ŭ 2005 hodzie Ministerstvam enierhietyki i Ministerstvam transpartu Rasii i abjadnoŭvaje lepšyja suśvietnyja halinovyja kampanii 36 krain. Premija «Załataja kalaśnica» ŭžo stała svojeasablivym suśvietnym transpartnym «Oskaram» i prysudžvajecca kalektyvam i kiraŭnikam, jakija pracujuć u transpartnaj halinie, śfiery transpartnych pasłuh, transpartnaj navucy i adukacyi, a taksama inšych sumiežnych halinach.
Ciapier čytajuć
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie14
Kamientary