Piotr Parašenka, jaki pieramoh na prezidenckich vybarach va Ukrainie, padčas svajoj inaŭhuracyi na pasadu kiraŭnika dziaržavy pradstavić mirny płan urehulavańnia situacyi ŭ Ukrainie, a taksama prapanuje šyrokuju amnistyju.
Pra heta novaabrany prezident Ukrainy skazaŭ na bryfinhu dla presy pa vynikach svajho vizitu ŭ Varšavu.
Parašenka adznačyŭ, što siońnia jon viadzie pieramovy z krainami ES, Kanadaj i ZŠA pa raspracoŭcy hetaha płana. «Siońnia my praciahnuli abmierkavańnie detalaŭ mirnaha płana, i ja, jak ukrainski prezident, budu mieć mahčymaść prezientavać hety płan Ukrainie padčas inaŭhuracyi «, — skazaŭ Parašenka.
Jon admoviŭsia kazać pra detali hetaha płana, u tym liku ab tym, ci budzie jon praduhledžvać ŭviadzieńnie vajennaha stanovišča, spasłaŭšysia na toje, što praca nad hetym płanam praciahvajecca, i pavodle jaho prahnozu zavieršycca ŭ piatnicu ŭ Narmandyi, dzie buduć čarhovyja sustrečy z kiraŭnictvam viadučych krain śvietu.
Razam z tym Parašenka adznačyŭ, što jaho płan mirnaha ŭrehulavańnia budzie praduhledžvać decentralizacyju Ukrainy:
«Heta budzie absalutna ćviordaja prapanova decentralizacyi, pryčym decentralizacyja raźvita pa polskaj madeli. Palaki i Jeŭrapiejski Sajuz hatovy pradastavić nam rašučuju padtrymku pa ŭkaranieńni hetaj madeli decentralizacyi. Jana pieradaje realnyja ŭładnyja paŭnamoctvy na miescy, i heta budzie vielmi aktualna dla našych kaleh z uschodu — Daniecka i Łuhanska».
Taksama, pa słovach Parašenki, prapanujecca ŭvieści šyrokamaštabnuju amnistyju i šerah inšych mier, jakija dazvolać pačać i harantavać mirny praces.
Jon taksama nahadaŭ, što siońnia ŭ čas sustrečy z prezidentam ZŠA Barakam Abamam jany damovilisia ab pahłybleńni vajennaha supracoŭnictva i pradastaŭleńni Złučanymi Štatami Amieryki ŭkrainskamu boku nieśmiarotnaj vajennaj dapamohi.
Ciapier čytajuć
Cichanoŭski na mitynhu ŭ Varšavie: Ja złamaju hety režym VIDEA3
Kamientary