Praces adčužeńnia pamiž Jeŭropaj i jaje chryścijanskimi karaniami paskarajecca. Pra heta havorycca ŭ vynikovym zvarocie ŭdzielnikaŭ IV Jeŭrapiejskaha pravasłaŭna-katalickaha forumu, jaki prajšoŭ u Minsku.
«Na praciahu apošnich dvaccaci hadoŭ praces hłabalizacyi ŭ suśvietnym maštabie, a taksama siekularyzacyja jeŭrapiejskaha zakanadaŭstva, jakoje zakranaje prablemy marali i maralnaści, staviać pierad nami pytańni, jakija patrabujuć sumiesnaha pošuku adkazaŭ, — adznačajecca ŭ zvarocie. — Našu zaniepakojenaść vyklikaje taksama i toj fakt, što praces adčužeńnia pamiž Jeŭropaj i jaje chryścijanskimi karaniami, jak vidać, paskarajecca».
Ijerarchi ličać, što chryścijanskaja viera źjaŭlajecca asnoŭnaj krynicaj jeŭrapiejskaj kultury i marali.
«Na praciahu stahodździaŭ jak na Uschodzie, tak i na Zachadzie niezvyčajnaje bahaćcie kulturnych dasiahnieńniaŭ na našym kantyniencie było adšukana z dapamohaj uniosku chryścijanskaj viery. Sapraŭdy, viera sparadziła kulturu, a kultura pastajanna prachodziła vyprabavańni vieraj. My addajom daninu pavahi chryścijanskaj spadčynie Jeŭropy, jakaja sfarmavała naš śvietapohlad i dała maralnyja pryncypy narodam Jeŭropy», — havorycca ŭ zvarocie.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)