Іерархі: Працэс адчужэння паміж Еўропай і яе хрысціянскімі каранямі паскараецца
Працэс адчужэння паміж Еўропай і яе хрысціянскімі каранямі паскараецца. Пра гэта гаворыцца ў выніковым звароце ўдзельнікаў IV Еўрапейскага праваслаўна-каталіцкага форуму, які прайшоў у Мінску.
«На працягу апошніх дваццаці гадоў працэс глабалізацыі ў сусветным маштабе, а таксама секулярызацыя еўрапейскага заканадаўства, якое закранае праблемы маралі і маральнасці, ставяць перад намі пытанні, якія патрабуюць сумеснага пошуку адказаў, — адзначаецца ў звароце. — Нашу занепакоенасць выклікае таксама і той факт, што працэс адчужэння паміж Еўропай і яе хрысціянскімі каранямі, як відаць, паскараецца».
Іерархі лічаць, што хрысціянская вера з'яўляецца асноўнай крыніцай еўрапейскай культуры і маралі.
«На працягу стагоддзяў як на Усходзе, так і на Захадзе незвычайнае багацце культурных дасягненняў на нашым кантыненце было адшукана з дапамогай унёску хрысціянскай веры. Сапраўды, вера спарадзіла культуру, а культура пастаянна праходзіла выпрабаванні верай. Мы аддаём даніну павагі хрысціянскай спадчыне Еўропы, якая сфармавала наш светапогляд і дала маральныя прынцыпы народам Еўропы», — гаворыцца ў звароце.
Цяпер чытаюць
«Мае спінагрызы са мной». Ціханоўская расказала, што ўжо выбірае для дзяцей школу ў Варшаве12
Каментары