Prezident RF Uładzimir Pucin sustreŭsia z premjer-ministram Vialikabrytanii Devidam Kemieranam u Francyi.
Sustreča pačałasia biez tradycyjnaha pocisku ruk.
AP
Pieršaja sustreča Pucina i Kemierana za apošnija niekalki miesiacaŭ prachodzić u paviljonie dla aficyjnych asob i delehacyj paryžskaha aeraporta imia Šarla de Hola.
Pieramovy z Kemieranam — pieršyja ź sieryi sustreč Pucina ź jeŭrapiejskimi liderami, jakija napiaredadni ŭ Brusieli na samicie G7 ŭzhadnili ahulnuju pazicyju ŭ dačynieńni da Rasii.
Jak paviedamiŭ raniej u čaćvier brytanski premjer, jon maje namier zajavić pra šerah umoŭ, nieabchodnych dla narmalizacyi adnosin z RF, u tym liku nastajać na pryznańni Piatra Parašenki abranym prezidentam Ukrainy i na spynieńni padtrymki terarystaŭ na ŭschodzie krainy.
Paźniej u čaćvier Pucin sustreniecca z prezidentam Francyi Fransua Ałandam, na piatnicu zapłanavana dvuchbakovaja sustreča z kancleram Hiermanii Anhiełaj Mierkiel.
