Прэзідэнт РФ Уладзімір Пуцін сустрэўся з прэм'ер-міністрам Вялікабрытаніі Дэвідам Кэмеранам у Францыі.
Сустрэча пачалася без традыцыйнага поціску рук.
Першая сустрэча Пуціна і Кэмерана за апошнія некалькі месяцаў праходзіць у павільёне для афіцыйных асоб і дэлегацый парыжскага аэрапорта імя Шарля дэ Голя.
Перамовы з Кэмеранам — першыя з серыі сустрэч Пуціна з еўрапейскімі лідэрамі, якія напярэдадні ў Бруселі на саміце G7 ўзгаднілі агульную пазіцыю ў дачыненні да Расіі.
Як паведаміў раней у чацвер брытанскі прэм'ер, ён мае намер заявіць пра шэраг умоў, неабходных для нармалізацыі адносін з РФ, у тым ліку настаяць на прызнанні Пятра Парашэнкі абраным прэзідэнтам Украіны і на спыненні падтрымкі тэрарыстаў на ўсходзе краіны.
Пазней у чацвер Пуцін сустрэнецца з прэзідэнтам Францыі Франсуа Аландам, на пятніцу запланавана двухбаковая сустрэча з канцлерам Германіі Ангелай Меркель.
Каментары