Urad admoviŭ pryvatnym miedcentram u vydačy balničnych

Na ŭradavym uzroŭni padtrymana pazicyja Ministerstva achovy zdaroŭja Biełarusi, jakoje ličyć, što nadzialeńnie pryvatnych miedycynskich centraŭ pravam vydačy hramadzianam listkoŭ ab niepracazdolnaści źjaŭlajecca dačasnym rašeńniem.

Hetaja infarmacyja vykładziena ŭ daviedcy ab realizacyi mierapryjemstvaŭ Nacyjanalnaj płatformy biźniesu Biełarusi — 2014, jakaja padrychtavana da pasiadžeńnia prezidyuma Savieta ministraŭ. 

U dakumiencie ŭkazvajecca, što jašče ŭ pačatku hetaha hoda ŭrad źniaŭ z kantrolu hetaje pytańnie. 

U sakaviku pa daručeńni Saŭmina Ministerstva ekanomiki było prainfarmavanaje ab mierkavańni Ministerstva achovy zdaroŭja ab tym, što «zaraz nadzialeńnie arhanizacyj achovy zdaroŭja, jakoje akazvaje płatnyja miedycynskija pasłuhi, niezaležna ad formy ŭłasnaści pravam vydačy listkoŭ niepracazdolnaści na padstavie adpaviednaj atestacyi Ministerstva achovy zdaroŭja źjaŭlajecca dačasnym». 

Miž tym biełaruskija biźnies-sajuzy miarkujuć, što prava vydačy listkoŭ niepracazdolnaści pavinny mieć arhanizacyi, jakija akazvajuć płatnyja miedycynskija pasłuhi, niezaležna ad formy ŭłasnaści. 

U daviedcy ab realizacyi mierapryjemstvaŭ Nacyjanalnaj płatformy biźniesu Biełarusi — 2014 pryvodzicca pazicyja staršyni savieta zasnavalnikaŭ STAA «Ekamiedservis», člena Biełaruskaha sajuza pradprymalnikaŭ Uładzimira Kajavy.

Jon miarkuje, što «tam, dzie absłuhoŭvajucca pacyjenty, i pavinny vydavać listok niepracazdolnaści». 

«Mnohija pacyjenty chočuć i majuć materyjalnuju mahčymaść maksimalna admovicca ad biudžetnych paliklinik, atrymlivajuć mieddapamohu ŭ kamiercyjnych arhanizacyjach achovy zdaroŭja, apłačvajučy naŭprost ci praz strachavy polis (jak za svoj košt, hetak i za košt rabotadaŭcy). Ale kab atrymać listok niepracazdolnaści, treba paŭtorna źviartacca ŭ dziaržaŭnuju palikliniku», — kanstatuje Kajava. 

Pry hetym, dadaje jon, «chvory hublaje čas, a dziaržaŭnaja paliklinika maje dadatkovuju nahruzku», u toj čas jak «adna z metaŭ stvareńnia pazabiudžetnaha siektara (płatnaha) achovy zdaroŭja — heta razhruzić biudžetnuju achovu zdaroŭja, što dazvolić značna palepšyć jakaść i dastupnaść». Aprača taho, miarkuje biźniesmien, «takaja palityka dziaržavy parušaje pryncypy roŭnych umoŭ haspadarańnia ŭ śfiery achovy zdaroŭja». 

Kiraŭnik «Ekamiedservisa» nahadvaje, što ŭ Prahramie dziejnaści ŭrada na 2011—2015 hady skazana ab raźvićci pazabiudžetnaha siektara achovy zdaroŭja. «Biez vydačy listkoŭ niepracazdolnaści pazabiudžetny siektar achovy zdaroŭja budzie niepaŭnacennym», — padkreślivaje Kajava. 

• 0
• 0
• 0
• 0
• 0
• 0
• 0
• 0