Słužba biaśpieki Ukrainy zatrymała ŭ Kijevie adnaho z aktyŭnych udzielnikaŭ terarystyčnaj arhanizacyi «DNR» pa mianušcy «Sievier», supolnika terarysta Ihara Bieźlera («Bies»).
Pra heta paviedamiła pres-słužba viedamstva.
Pavodle infarmacyi, zatrymany źjaŭlajecca žycharom Danbasa. Jak adznačyli ŭ SBU, u Kijeŭ jon prybyŭ «z metaj destabilizavać situacyju ŭ stalicy».
Pa słovach zatrymanaha, kiraŭnik bajevikoŭ «Bies» pastaviŭ jamu zadaču ździejśnić šerah dyviersij na abjektach enierha-i vodazabieśpiačeńnia Kijeva, kab adciahnuć uvahu ad padziejaŭ na ŭschodzie Ukrainy.
Zatrymany dyviersant śpiecyjalizavaŭsia na padryŭnoj dziejnaści i razam ź inšymi bajevikami ŭdzielničaŭ u padrychtoŭcy miniravańni abjektaŭ infrastruktury Danieckaj vobłaści, adznačyli ŭ SBU.
Akramia taho, złamyśnik pryznaŭsia, što finansavaŭ terarystaŭ, u pryvatnaści, bajevikoŭ bataljona «Uschod».
Padčas zatrymańnia ŭ jaho kanfiskavali 100 tysiač hryŭniaŭ najaŭnymi, hranatu RHD-5, patrony da ahniastrelnaj zbroi i 300 hramaŭ narkatyčnaha rečyva.
Kamientary