U Mahilovie finansavaja milicyja kanfiskavała nielehalnuju partyju profilaŭ PVCH i škła dla vyrabu dźviarnych i akonnych błokaŭ vytvorčaści Rasii na 817,2 młn rubloŭ.
Jak paviedamiŭ namieśnik načalnika ŭpraŭleńnia departamienta finansavych rasśledavańniaŭ pa Mahiloŭskaj vobłaści Alaksandr Šarojkin, pry ahladzie vytvorčych i składskich pamiaškańniaŭ pa zavułku Haražnym u Mahilovie i ŭ vioscy Padhorje Mahiloŭskaha rajona, što naležać dvum mahiloŭskim pryvatnym vytvorča-handlovym unitarnym pradpryjemstvam, jakija zajmajucca vytvorčaściu vyrabaŭ z PVCH, byli znojdzieny profil PVCH u kolkaści 40.134 m i škło płoščaj 2.358,5 kv. m, pryznačanyja dla vyrabu akon i dźviarej. Na profil i škło adsutničali supravadžalnyja dakumienty z paćviardžeńniem zakonnaści ich nabyćcia.
«Padčas pravierki pravaparušalniki pasprabavali padać dakumienty ab nabyćci nielehalnych tavaraŭ u biełaruskich subjektaŭ haspadarańnia, jakija, jak było dakazana kantralorami, akazalisia fiktyŭnymi. Faktyčna kamplektavalnyja dla vyrabaŭ z PVCH byli nabytyja ŭ Rasii za najaŭny raźlik i niezakonna ŭviezienyja ŭ Biełaruś», — adznačyŭ Šarojkin.
Za nabyćcio, zachoŭvańnie, vykarystańnie ŭ vytvorčaści tavaraŭ biez supravadžalnych dakumientaŭ pryvatnyja pradpryjemstvy pryciahnutyja da administracyjnaj adkaznaści ŭ vyhladzie štrafu ŭ 2,25 młn i 1,5 młn rubloŭ z kanfiskacyjaj tavaru.
