U Mahilovie ŭzbudžana 6 kryminalnych spraŭ u dačynieńni da hramadzian, jakija padali pa miescy pracy fiktyŭnyja balničnyja. Pra heta paviedamili ŭ adździaleńni infarmacyi i hramadskich suviaziaŭ UUS Mahiloŭskaha abłvykankama.
Pieciarym mužčynam i adnoj žančynie padroblenyja listki niepracazdolnaści vypisaŭ adzin i toj ža lekar. Z kožnaha ŭjaŭnaha chvoraha niadobrasumlenny doktar atrymlivaŭ za svaje pasłuhi pa $20-30. Niekatoryja «pacyjenty» brali balničny na niekalki dzion, a inšyja prasili vypisać fiktyŭny listok na 20 dzion.
Lekar, jaki vydaŭ lipavyja balničnyja, budzie pryciahnuty da kryminalnaj adkaznaści za chabarnictva. U dačynieńni da hramadzian, jakija źviarnulisia da jaho, raspačatyja kryminalnyja spravy pa art. 380 č.1 KK (padrobka, vyrab, vykarystańnie abo zbyt padroblenych dakumientaŭ, štampaŭ, piačatak, błankaŭ).