Pravasłaŭnyja vierniki Biełarusi zmohuć pakłanicca šanavanaj ikonie z čaścinkaj moščaŭ prapadobnaha Sierhija Radaniežskaha, jakaja budzie pryniesiena 20 lipienia ŭ minski Śviata-Duchaŭ kafiedralny sabor z Troica-Sierhijevaj łaŭry (Sierhijeŭ Pasad Maskoŭskaj vobłaści).
Jak paviedamili ŭ pres-słužbie Minskaj jeparchii Biełaruskaha ekzarchata Ruskaj pravasłaŭnaj carkvy, pryniasieńnie šanavanaha abraza ŭ jeparchii RPC, jakoje dabrasłaviŭ patryjarch Maskoŭski i ŭsiaje Rusi Kirył, prachodzić u ramkach śviatkavańnia 700-hodździa z dnia naradžeńnia prapadobnaha Sierhija.
Tak, viečaram 20 lipienia abraz sustrenuć na płoščy la kafiedralnaha sabora. Dostup žadajučych pakłanicca ikonie 21-24 lipienia budzie adkryty z 8.00 da 21.00. Lipienia 25 śviatynia budzie dastupnaja da 14.30, paśla čaho jana adpravicca ź Minska.
Akramia taho, 13 lipienia ŭ Vaskrasienski kafiedralny sabor Barysava prybudzie dakładny śpis abraza Božaj Maci «Usiecaryca», jakaja zachoŭvajecca ŭ Afonskim manastyry Vatopied (Hrecyja). Pałomniki zmohuć pakłanicca śviatyni da 26 lipienia.
