Prezidentu ZŠA Baraka Abamy prapanavali pakuryć marychuany. Incydent adbyŭsia padčas pajezdki kiraŭnika Biełaha doma ŭ štat Kałarada — kali prezident zajšoŭ u adzin z baraŭ Denviera, miascovy zaŭsiodnik Met Entani prapanavaŭ jamu papalić kasiak.
Jak paviedamiŭ sam Entani, jaki vykłaŭ u Instagram fota i videa epizodu: «Ja spytaŭ u jaho, ci nie žadaje jon kurnuć traŭki… jon zaśmiajaŭsia!». Zapis imkliva nabraŭ tysiačy łajkaŭ, słych ab tym, što adbyłosia, chutka razyšoŭsia pa siecivie, i ŭžo na šlachu ŭ aeraport Denviera prezidenta sustrakali płakatami «Biaspłatnaja traŭka dla Abamy».
Kałarada — adzin z dvuch štataŭ ZŠA, razam z Vašynhtonam, dzie ŭžyvańnie kanabisu źjaŭlajecca całkam zakonnym. U astatnich štatach palicyja pieraśleduje amataraŭ pakuryć marychuanu. Pa statystycy, štohod bolš za 800 tysiač čałaviek akazvajecca pad aryštam za zachoŭvańnie i ŭžyvańnie kanoplaŭ.
Nie sakret, što ŭ junactvie ciapierašni prezident pakurvaŭ kanabis, ale paźniej ad hetaj zvyčki admoviŭsia. Tym nie mienš da hetaha času Barak Abama prytrymlivajecca dumki, što pamiž kureńniem cyharet i lohkimi narkotykami asablivaj roźnicy niama i što marychuana dla arhanizma nie bolš škodnaja za ałkahol.
Kamientary