Jeŭrasajuz nie maje namieru prymać novych členaŭ na praciahu bližejšych piaci hadoŭ, zajaviŭ u aŭtorak abrany kiraŭnik Jeŭrapiejskaj kamisii Žan-Kłod Junkier.
«U bližejšyja piać hadoŭ pašyreńnia nie budzie», — skazaŭ jon, vystupajučy ŭ Jeŭraparłamiencie.
Na dumku Junkiera, «Jeŭrasajuzu nieabchodna zrabić paŭzu ŭ pracesie pašyreńnia dla taho, kab kansalidavać namahańni najaŭnych 28 členaŭ».
Tym nie mienš, vybrany staršynia JEK adznačyŭ, što Jeŭrasajuz nie maje namieru spyniać pieramovy ab ustupleńni ŭ jaho skład šerahu krain, u asablivaści bałkanskich, jakija «majuć patrebu ŭ jeŭrapiejskaj pierśpiektyvie».
Akramia taho, Junkier vykazaŭsia za ŭmacavańnie partniorskich adnosin z krainami, jakija miažujuć ź ES na ŭschodzie, u pryvatnaści Małdovaj i Ukrainaj.
Razam z tym, jon zajaviŭ ab nieabchodnaści ŭmacavać prysutnaść Jeŭrasajuza na mižnarodnaj arenie ŭ jakaści niezaležnaha hulca, adznačyŭšy pry hetym, što čaściakom kiraŭniki MZS krain-členaŭ «čyniać pieraškody» samastojnaj dziejnaści ES.
«My nie možam zastavacca zdavolenymi našaj ciapierašniaj źniešniaj palitykaj», — padkreśliŭ Junkier.
Raniej u aŭtorak deputaty jeŭrapiejskaha parłamienta na plenarnaj siesii ŭ Strasburhu tajemnym hałasavańniem abrali byłoha premjer-ministra Luksiemburha Junkiera staršynioj Jeŭrapiejskaj kamisii.
