Nacbank pastaviŭ zadaču da kanca hetaha hoda zapavolić inflacyju

Asnoŭnymi zadačami, što stajać pierad Nacyjanalnym bankam da kanca 2014 hoda, zastajucca zachavańnie makraekanamičnaj zbałansavanaści i zapavolvańnie inflacyi. Pra heta było zajaŭlena 25 lipienia ŭ Minsku na pašyranym praŭleńni Nacbanka, paviedamlaje ŭpraŭleńnie infarmacyi banka. 

Jak zajaŭlaje rehulatar, pracentnaja palityka Nacyjanalnaha banka budzie pa-raniejšamu zabiaśpiečvać pieravyšeńnie dachodnaści pa depazitach u nacyjanalnaj valucie nad dachodnaściu depazitaŭ u zamiežnaj valucie. Zaznačajecca, što dalejšaja dynamika abmiennaha kursu nacyjanalnaj valuty budzie vyznačacca stanoviščam płaciežnaha bałansu, a taksama situacyjaj na ŭnutranym valutnym i suśvietnym finansavym rynkach. 

Nacyjanalny bank maje namier stymulavać banki «ažyćciaŭlać kredytavańnie vyklučna ŭ adpaviednaści z najaŭnymi resursami». Pry hetym bankami pavinien rabicca akcent na kredytavańni najbolš efiektyŭnych prajektaŭ z ulikam stratehičnaj važnaści zbałansavanaha raźvićcia halinaŭ ekanomiki, havorycca ŭ paviedamleńni pa vynikach pasiadžeńnia praŭleńnia. Było taksama zaznačana, što zachavajucca isnujučyja žorstkija padychody da refinansavańnia bankaŭ u adpaviednaści z pryrostam ich kredytnaha partfiela. U metach niedapuščeńnia rostu prablemnych aktyvaŭ Nacbank rekamiendavaŭ bankam pry pryniaćci rašeńnia ab kredytavańni bolš stroha aceńvać finansavy stan pazyčalnikaŭ i ich zdolnaść vykonvać svaje abaviazacielstvy, a taksama brać pad uvahu efiektyŭnaść i akupnaść prajektaŭ, jakija kredytujucca. Pry hetym pierad bankaŭskaj sistemaj pastaŭlena zadača aktyvizavać kredytnuju padtrymku ajčynnych vytvorcaŭ, aryjentavanych na ekspart tavaraŭ i pasłuh. 

Na pasiadžeńni było zajaŭlena, što asablivaja ŭvaha bankami pavinna być nadadziena pytańniam pavyšeńnia jakaści akazanych pasłuh. Jak było padkreślena padčas pasiadžeńnia, bankaŭskija śpiecyjalisty pavinny zabiaśpiečvać supravadžeńnie klijentaŭ na ŭsich uzroŭniach razhladu dakumientaŭ da dasiahnieńnia kankretnaha vyniku, a ŭ vypadku pryniaćcia admoŭnych rašeńniaŭ — u dastupnaj i arhumientavanaj formie tłumačyć pryčyny admovy, pa mahčymaści prapanoŭvajučy alternatyŭnyja varyjanty vyrašeńnia prablem. Patencyjalnych kredytaatrymalnikaŭ nieabchodna infarmavać ab aryjencirovačnych terminach razhladu zajavak na atrymańnie kredytu, u tym liku ŭkazvajučy hetuju infarmacyju na aficyjnych sajtach bankaŭ u hłabalnaj kampjutarnaj sietcy internet. 

U metach pavyšeńnia jakaści bankaŭskich pasłuh na roźničnym siehmiencie rynku bankam daručana zabiaśpiečyć pryjom ad fizičnych asob usich vidaŭ kamunalnych płaciažoŭ. Pry hetym u pieryjad masavaj apłaty pasłuh pavinna być zabiaśpiečana najaŭnaść dastatkovaj kolkaści śpiecyjalistaŭ pa raźlikova-kasavym absłuhoŭvańni. Nieabchodna taksama arhanizavać pracu kansultantaŭ pa navučańni płacielščykaŭ navykam vykarystańnia prystasavańniaŭ samaabsłuhoŭvańnia (infakijoskaŭ) pry ažyćciaŭleńni płaciažoŭ. Aprača taho, bankam rekamiendavana pravieści dadatkovuju pracu z klijentami pa vykarystańni dla ažyćciaŭleńnia płaciažoŭ internet-bankinha, u tym liku arhanizavać praviadzieńnie mierapryjemstvaŭ pa pavyšeńni finansavaj kampietentnaści metavaj aŭdytoryi. 

Na dumku ŭdzielnikaŭ pasiadžeńnia, «raźvićcio ŭ respublicy sistemy bieznajaŭnych raźlikaŭ ziaŭlajecca najvažniejšym elemientam rehulavańnia hrašova-kredytnaj śfiery, jaki sadziejničaje pavyšeńniu efiektyŭnaści realizacyi manietarnaj palityki». U hetaj suviazi bankam nieabchodna pryniać šerah dadatkovych mier, skiravanych na dasiahnieńnie metavaha aryjenciru pa pavieličeńni da 1 studzienia 2016 hoda doli bieznajaŭnaha hrašovaha abarotu ŭ roźničnym tavaraabarocie i abjomie płatnych pasłuh da 50%. 

Tak, pry praviadzieńni fizičnymi asobami valutna-abmiennych apieracyj z vykarystańniem bankaŭskich płaciežnych kartak bankam rekamiendavana prymianiać kurs, roŭny abo nižejšy za ŭstanoŭleny dla ažyćciaŭleńnia zhadanych apieracyj z vykarystańniem najaŭnych hrašovych srodkaŭ u biełaruskich rublach. Pry zaklučeńni dahavora ab vykarystańni bankaŭskaj płaciežnaj kartki ŭ jaho nieabchodna ŭ abaviazkovym paradku ŭklučać pasłuhu SMS-infarmavańnia, a takama prapanoŭvać klijentam inšyja mahčymyja sposaby apieratyŭnaha infarmavańnia ab apieracyjach, jakija pravodziacca. 

Pierad kiraŭnikami bankaŭ pastaŭleny kankretnyja zadačy i pa pavieličeńni kolkaści klijentaŭ — fizičnych asob, jakija karystajucca mahčymaściami internet-bankinha i inšych sistem dystancyjnaha bankaŭskaha absłuhoŭvańnia. Da 1 studzienia 2016 hoda hety pakazčyk pavinien składać nie mienš za 50% ad ahulnaj kolkaści klijentaŭ banka.

• 0
• 0
• 0
• 0
• 0
• 0
• 0
• 0