Łukašenka pra byłoha staršyniu kancerna «Biełnaftachim»: Zapłaciŭ — «do śvidanija» FOTA

Były staršynia kancerna «Biełnaftachim» Ihar Žylin kampiensavaŭ naniesieny dziaržavie ŭron. Heta vynikaje z zajaŭ, zroblenych Prezidentam Biełarusi Alaksandram Łukašenkam siońnia na naradzie ab udaskanaleńni zakanadaŭstva pa baraćbie z karupcyjaj, pieradaje BIEŁTA.

U jakaści prykładu ŭzvažanaha padychodu pry pryniaćci tych ci inšych rašeńniaŭ kiraŭnik dziaržavy pryvioŭ situacyju z byłym staršynioj «Biełnaftachima» Iharam Žylinym.

«Kali čałaviek kampiensavaŭ hetyja zatraty, nie samy ž strašny karupcyjanier. Jon nanios vialiki ŭron dziaržavie — heta drenna. Kampiensavaŭ — nie treba jaho chapać i ciahnuć za kraty», — padkreśliŭ Łukašenka, adznačyŭšy davoli pavažny ŭzrost Ihara Žylina.

«Heta nie značyć, što my im pavinny daravać. Ni ŭ jakim razie. Jamu nichto nie davaŭ prava za košt padparadkavanaha sabie pradpryjemstva kvateru ŭtrymlivać, mieć kvateru ŭ Minsku, žonku absłuhoŭvać za košt dziaržavy.

Heta niedapuščalna, heta ŭron. Ale jon byŭ abličany, pamnožany na try. Zapłaciŭ — do śvidanija», — skazaŭ Alaksandr Łukašenka.

«Pieraboru nie pavinna być, bo heta budzie inšaja krajnaść. Nas ludzi nie zrazumiejuć. Ja, dla prykładu, uziaŭ Žylina, ale jość i inšyja fakty», — dadaŭ kiraŭnik dziaržavy.

Ihar Žylin byŭ vyzvaleny ad pasady kiraŭnika «Biełnaftachima» Pastanovaj urada №631 ad 30 červienia. Aproč taho, u internecie źjavilisia paviedamleńni ab jahonym aryšcie.

Uradženiec Ardžanikidze (zaraz Uładzikaŭkaz) Ihar Žylin, jakomu ŭ studzieni spoŭniłasia 73 hady, uznačaliŭ kancern 4 lutaha 2011 hoda. Dahetul (z 11 žniŭnia 2009 hoda) jon uznačalvaŭ pradpryjemstva «Hrodna-Azot». U 1990—1993 hadach byŭ deputatam Viarchoŭnaha Savieta Rasii, źjaŭlaŭsia namieśnikam staršyni parłamienckaha kamiteta pa pytańniach ekanamičnaj reformy i ŭłasnaści. Z 2003 hoda pracavaŭ techničnym kansultantam kampanii «SiarednieAzHaz» (Maskva), z 2006 hoda — pieršym namieśnikam hienieralnaha dyrektara AT «Enierdžy Inviest» (Rustavi, Hruzija).

Pa pryjeździe ŭ našu krainu Žylin atrymaŭ biełaruskaje hramadzianstva. 

Pavodle krynic partała TUT.BY, Žylin abo jaho žonka nibyta vykarystoŭvali słužbovy mabilny telefon u svaich asabistych metach. U vyniku nahavaryli na sumu bolš za 10 tysiač dołaraŭ.

Akramia taho, byli pytańni ŭ siłavikoŭ i da jaho prastornaj kvatery, za jakuju vypłačvałasia vysokaja, na ich dumku, arendnaja płata.

Ihar Žylin byŭ adnym z atrymantaŭ elitnaj ziamli ŭ Vieśnincy («Drazdy-2»). Jahonyja susiedzi raskazvali, što budaŭničyja materyjały na ŭčastak hetaha zaniataha čałavieka pryvozili pieravažna ŭnačy.

• 0
• 0
• 0
• 0
• 0
• 0
• 0
• 0