Žanr: bajavik, pryhody, fentezi, kamiedyja
Režysior: Bret Retnier
U rolach: Duejn Džonsan, Aksiel Chieni, Ien Makšejn, Džon Chiort, Rufus Sjueł, Inhryd Bałsaj Bierdał, Rys Ryčy, Tobijas Zantiełman, Rebieka Fierhiusan
Ździejśniŭšy viadomyja podźvihi i zhubiŭšy svaju siamju, Hierakł robicca najmitam. Razam ź piaćciu viernymi paplečnikami jon padarožničaje pa Staražytnaj Hrecyi, pradajučy svaje pasłuhi za zołata i vykarystoŭvajučy lehiendarnuju słavu, kab zapałochvać vorahaŭ.
Zhadžajecca jon i dapamahčy caru Frakii i jaho dačce - pieramahčy žachlivaha vajenanačalnika Rezusa, jaki teraryzuje krainu. Adnak usie akazvajecca inakš, čym mierkavaŭ Hierakł, i jamu daviadziecca sustrecca s pryvidami svajho minułaha.
Režysior Bret Retnier («Ludzi Iks: Apošniaja bitva», 2006) nie pabajaŭsia vypuścić svajho «Hierakła» u adzin hod z vychadam stužki «Hierakł: Pačatak lehiendy» Reni Charlina.
I niedarma: jaho Hierakł u vykanańni Duejna Skała Džonsana atrymaŭsia bolš charyzmatyčnym. Akcior prafiesijna zajmajecca reślinham i maje šmat uznaharod, a dla zdymak jamu daviałosia treniravacca na praciahu 8 miesiacaŭ, kab nabrać nieabchodnuju formu.
Film prapanuje svoj punkt hledžańnia na ahulnaviadomuju lehiendu. Hierakła pradstaŭleny jak prosty, choć i zvyšdužy, čałaviek, jaki ździejśniŭ pozdvihi dziakujučy siabram, što sustreŭ padčas svaich pryhod. Hierakł pieramahaje dziakujučy nie sile paŭboha - heta tolki lehienda, jakuju stvaraje dla jeho Iałaj, a z-za asabistaj siły duchu i dapamozie viernych siabroŭ.
U stužcy staje i vidoviščnych trukaŭ, i pafasu, jaki supravadžaje halivudskija błakbastary, ale ŭsie dziejańnie dastatkova prypraŭlena humaram. Dobraja pastanoŭka i niabłaha padabrany akciorski skład vyciahvajuć siužet.
Ciapier čytajuć
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich5
Kamientary