Na viadomy ŭkrainski fiestyval u hetym hodzie zavitała šmat biełarusaŭ. Nad mnohimi namiotami možna było pabačyć bieł-čyrvona-biełyja ściahi, łunali jany pad scenaj padčas kancertaŭ.
Raspaviadaje Alaksiej ź Miensku:
- Nasamreč ja tut užo ŭ čaćviorty raz, i voś vyrašyŭ pryjechać znoŭ, adnoj z hałoŭnych pryčynaŭ źjaŭlajecca toje, što arhanizatary kazali, maŭlaŭ, hrošy, atrymanyja ad hetaha fiestyvalu – za kvitki, za prodaž atrybutyki – pojduć na padtrymku ukrainskaha vojska. Ja liču, što biełarusy pavinny padtrymać hetuju spravu, i ŭvohule padtrymać Ukrainu ŭ hetym kanflikcie, bo zaraz Ukraina ŭ niaprostaj situacyi, tamu ja tut.
Na fiestyvali nie abyšłosia i bieź biełaruskich muzykaŭ. Svajoj tvorčaściu paradavali ŭdzielnikaŭ fiestyvalu hurt «Zatočka» i bard Alaksiej Mikus.
Fiestyval adbyvajecca ŭ Łucku vośmy raz. U hetym hodzie ŭsio hrošy, sabranyja ad fiestyvalu, pojduć na padtrymku vojska Ukrainy na Uschodzie.
