Fota haziety «Čačerski vieśnik»: pačaŭsia siezon zakupu jabłyk u sialan.
Biełaruś hatovaja pastaŭlać charčavańnie ŭ Rasiju zamiest krain, u dačynieńni da jakich Maskva ŭviała miery ŭ adkaz na sankcyi, zajaviŭ RIA Naviny ŭ čaćvier pieršy namieśnik ministra sielskaj haspadarki i charčavańnia Biełarusi Leanid Marynič.
«Dla nas heta kłandajk. My hatovyja zamianić zachodnija krainy pa mnohich pazicyjach u častcy charčavańnia», - skazaŭ Marynič.
Biełaruś raźličvaje, u pryvatnaści, surjozna pavialičyć pastaŭki ŭ Rasiju syroŭ: «Pavialičym vypusk pa syrach roznaj ćviordaści i roznych terminaŭ paśpiavańnia».
Taksama, pavodle słoŭ pieršaha namieśnika ministra, Biełaruś hatovaja pavialičyć pastaŭki miasa i celnaha małaka zamiest Finlandyi.
Jašče biełaruskija ahraryi, pa słovach Maryniča, mohuć rabić dadatkovyja pastaŭki harodniny: «Zamienim hałandskuju bulbu, zamienim polskija jabłyki — u nas usio jość».
Varta adznačyć, što sama Biełaruś pry hetym impartuje z Polščy i jabłyki, i śvininu, i harodninu.
Prezident Uładzimir Pucin u sieradu zabaraniŭ na praciahu hoda uvozić u Rasiju asobnyja vidy sielskahaspadarčaj pradukcyi, syraviny i charčavańnia z krain, jakija ŭviali sankcyi ŭ dačynieńni da Rasiei. Uradu jon daručyŭ skłaści kankretny pieralik pradukcyi, jakaja padpadaje pad hetyja abmiežavańni. Śpis pavinien stać viadomy siońnia.
