Варта адзначыць, што сама Беларусь пры гэтым імпартуе з Польшчы і яблыкі, і свініну, і гародніну.
Беларусь гатовая пастаўляць харчаванне ў Расію замест краін, у дачыненні да якіх Масква ўвяла меры ў адказ на санкцыі, заявіў РІА Навіны ў чацвер першы намеснік міністра сельскай гаспадаркі і харчавання Беларусі Леанід Марыніч.
«Для нас гэта кландайк. Мы гатовыя замяніць заходнія краіны па многіх пазіцыях у частцы харчавання», - сказаў Марыніч.
Беларусь разлічвае, у прыватнасці, сур'ёзна павялічыць пастаўкі ў Расію сыроў: «Павялічым выпуск па сырах рознай цвёрдасці і розных тэрмінаў паспявання».
Таксама, паводле слоў першага намесніка міністра, Беларусь гатовая павялічыць пастаўкі мяса і цэльнага малака замест Фінляндыі.
Яшчэ беларускія аграрыі, па словах Марыніча, могуць рабіць дадатковыя пастаўкі гародніны: «Заменім галандскую бульбу, заменім польскія яблыкі — у нас усё ёсць».
Варта адзначыць, што сама Беларусь пры гэтым імпартуе з Польшчы і яблыкі, і свініну, і гародніну.
Прэзідэнт Уладзімір Пуцін у сераду забараніў на працягу года увозіць у Расію асобныя віды сельскагаспадарчай прадукцыі, сыравіны і харчавання з краін, якія ўвялі санкцыі ў дачыненні да Расеі. Ураду ён даручыў скласці канкрэтны пералік прадукцыі, якая падпадае пад гэтыя абмежаванні. Спіс павінен стаць вядомы сёння.
Спевака з «Марафону адзінства» асудзілі за палітыку — прыгадалі каментары 2020-га. Бараніць у суд яго хадзілі сёстры Груздзевы16
Каментары