Stała zrazumieła, čamu terarysty nie puskali mižnarodnych ekśpiertaŭ da źbitaha pad Torezam Boinha
«Paśla atrymańnia apieratyŭnaj infarmacyi stała jasna, čamu terarysty nie dapuskali mižnarodnych ekśpiertaŭ na častku terytoryi na miescy padzieńnia samalota.
Mienavita na hetych učastkach bajeviki zładzili pazicyi, ustalavali na ich artyleryjskija sistemy i vyryli cełuju sietku akopaŭ», — havorycca ŭ paviedamleńni SNBA Ukrainy.
«Heta aznačaje, što ni Rasija, ni jaje najmity nikoli nie byli zacikaŭlenyja ŭ abjektyŭnym rasśledavańni pryčyn katastrofy źbitaha avijałajniera», — ličać u SNBA.
Paviedamlajecca, što hrupa mižnarodnych ekśpiertaŭ z-za pastajannych abstrełaŭ z boku terarystaŭ «vymušana zaviaršyć pieršuju fazu pošukaŭ abłomkaŭ samalota i ciełaŭ zahinułych pasažyraŭ».
«U bližejšy čas jany płanujuć abmierkavać mahčymyja terminy pačatku druhoj fazy pošukavych rabot. Da pryniaćcia rašeńnia ab praciahu pošukaŭ značnaja častka ekśpiertaŭ pakinie Ukrainu», — zajavili ŭ SNBA.
Ciapier čytajuć
Stała viadoma, što za 200 tysiač jeŭra prapanoŭvali Siarhieju Cichanoŭskamu «biełaruskija biznesmieny»29
Kamientary