Zachodnija śpiecsłužby śćviardžajuć, što chakiery z Rasii atakavali kampjutary ŭ ofisie premjer-ministra Ukrainy Arsienija Jacaniuka i ŭkrainskich ambasadach za miažoj, piša hazieta Financial Times.
Pa dadzienych kampanii Symantec i krynic u raźviedcy, 60 kampjutaraŭ «ŭ ofisie premjer-ministra krainy, jakaja raniej ŭvachodziła ŭ SSSR», byli zaražanyja z dapamohaj škodnaj prahramy Snake ŭ miežach kampanii, jakaja pačałasia ŭ 2012 hodzie i jakaja praciahvajecca dahetul. Ananimnaja krynica ŭ raźviedsłužbach paviedamiła haziecie, što hetaj krainaj źjaŭlajecca Ukraina.
Taksama paviedamlajecca, što napadu padvierhlisia kampjutary, ustalavanyja ŭ pasolstvach Ukrainy ŭ dzieviaci krainach, u liku jakich, u pryvatnaści, Kitaj, Hiermanija, Polšča i Bielhija.
Kampanija Symantec raspracoŭvaje prahramnaje zabieśpiačeńnie ŭ halinie infarmacyjnaj biaśpieki i abarony infarmacyi. Štab-kvatera raźmieščanaja ŭ Kupiercina u štacie Kalifornija.
