U Łuninieckim rajonie prafiłaktyčnaje lačeńnie suprać šalenstva prachodzić trochhadovy chłopčyk, jakoha padrapała lisa.
Jak paviedamiła zahadčyca adździeła epidemijałohii Łuninieckaha rajonnaha centra hihijeny i epidemijałohii Halina Kanapackaja, dniom 14 žniŭnia dzicia razam z baćkami adpačyvała na bierazie raki niedaloka ad vioski Mižleśsie. Lisa, jakaja padyšła, skoknuła na chłopčyka i padrapała jamu tvar.
Baćki dziciaci (žychary vioski Mižleśsie) zabili žyviołu. Zatym jany źviarnulisia pa dapamohu ŭ Łuninieckuju centralnuju rajonnuju balnicu, dzie chłopčyku ŭviali antyrabičny imunahłabulin i pryznačyli kurs prafiłaktyčnych pryščepak suprać šalenstva.
Pra zdareńnie było paviedamlena ŭ rajonnuju vieterynarnuju słužbu. Pakolki ŭ lisy była raźbitaja hałava, a dyjahnaz šalenstva ŭstanaŭlivajecca paśla daśledavańnia hałaŭnoha mozhu, supracoŭniki vietsłužby paśla praviadzieńnia śpiecyjalnych mierapryjemstvaŭ pachavali žyviołu.
Pavodle słoŭ Kanapackaj, z pačatku hoda ŭ rehijonie pa miedycynskuju dapamohu ŭ suviazi z ukusami žyvioł źviarnulisia 70 čałaviek (u ich liku 26 — dzieci va ŭzroście da 18 hadoŭ). Vypadkaŭ ukusaŭ ludziej šalonymi žyviołami ŭ Łuninieckim rajonie z 2012 hoda zafiksavana nie było.
Pavodle źviestkach vykonvajučaha abaviazki zahadčycy adździeła epidemijałohii Bresckaha abłasnoha centra hihijeny, epidemijałohii i hramadskaha zdaroŭja Aleny Paduškinaj, za šeść miesiacaŭ hetaha hoda ŭ vobłaści pa dapamohu da miedykaŭ u suviazi z ukusami žyvioł źviarnulisia 1.100 čałaviek (siarod ich 319 dziaciej va ŭzroście da 14 hadoŭ). Antyrabičnyja preparaty byli pryznačany 781 paciarpiełamu, u ich liku 17, jakija kantaktavali z šalonymi žyviołami.
Za hety pieryjad času ŭ Bresckaj vobłaści vyjaŭleny 23 fakty šalenstva žyvioł: 15 — u lis, try — u svojskich sabak, pa dva — u janotapadobnaha sabaki, damašnich katoŭ i adzin — u kaźlaniaci.
Trahiedyja ŭ Dokšycach: skončyła žyćcio samahubstvam 15-hadovaja viaskovaja vydatnica3
Kamientary