U hetyja vychadnyja, 23 i 24 žniŭnia, u stalicy Biełarusi prachodzić adkryty čempijanat krainy pa chutkasnaj zborcy kubika Rubika Cubing fest 2014. U Minskim dziaržaŭnym pałacy dziaciej i moładzi sabrałasia bolš za sto čałaviek z Polščy, Ukrainy, Rasii i Biełarusi. Udzielniki źbirajuć tradycyjny kubik Rubika (3x3x3), a taksama spaborničajuć u padobnych 17 dyscyplinach, u tym liku, źbirajučy kubik adnoj rukoj ŭślapuju. Jość źviestki, što hetym zachapleńniem «chvarejuć» 30 tysiač žycharoŭ płaniety.
Sudździa spabornictvaŭ - kandydat u delehaty Suśvietnaj asacyjacyi kubika (World Cube Association) Illa Ciareška z Bresta. Jon raskazaŭ BiełaPAN, što śpidkubinh možna razhladać jak cikavaje chobi. U im jość adnadumcy, dziakujučy jakim spabornictvy pravodziacca ŭ roznych krainach śvietu. Heta daje mahčymaść sumiaščać zachapleńnie z vandroŭkami. Prafiesijanały źbirajuć kubik chutčej, čym za dzieviać siekund, pačatkoŭcam nieabchodna ad dvuch chvilin i bolš. Biełarusy pakul nie dabralisia da suśvietnaha pastamienta, adnak pastupova dahaniajuć inšyja krainy.
Darečy, kožny achvotny moža pryjści ŭ hetyja dni ŭ pałac i pavučycca śpidkubinhu. Uvachod volny. Dla haściej i ŭdzielnikaŭ pracuje vystava hałavałomak.
U suśvietnaj bazie asacyjacyi buduć zafiksavany ŭsie rekordnyja vyniki udzielnikaŭ.
Čynoŭniki prahavarylisia, što ŭ Biełarusi zastałosia tolki 8,8 miljona čałaviek? Heta niapravilnaja vysnova5
Kamientary