U noč na čaćvier, 2 studzienia, ukrainski «Enierhaatam» pastaviŭ Małdovie elektraenierhiju, nieabchodnuju dla pakryćcia deficytu, paviedamlaje NewsMaker sa spasyłkaj na małdaŭskuju Energocom.
U dziaržaŭnaj kampanii paviedamili, što na miažy Małdovy i Rumynii pastaŭki elektraenierhii abmiežavanyja abjomam u 315 MVt ź nieabchodnych 650-800 MVt. Kišynioŭ reziervuje častku elektraenierhii na štodzionnych aŭkcyjonach z mahutnaściaŭ, jakija nie vykarystoŭvajucca na inšych miežach Rumynii z susiednimi krainami.
«My dadatkova budziem zakuplać elektraenierhiju va ŭkrainskaha «Enierhaatama» — u načnyja hadziny, kali ŭ našych kaleh jość lišak enierhii, i jany mohuć jaje ekspartavać», — paviedamiŭ Energocom.
U Małdovie 16 śniežnia byŭ uviedzieny režym nadzvyčajnaj situacyi ŭ enierhietycy, a za niekalki dzion da hetaha — u niepryznanym Prydniastroŭi.
«Treba niešta mianiać. Heta ŭžo naśpieła». Baćka Kanapackaj padzialiŭsia dumkami pra vybary i ŭdzieł dački ŭ ich20
Kamientary