U budynku zierniesušyłki AAT «Lidlon» u vioscy Doržy (Lidski rajon Hrodzienskaj vobłaści) apoŭnačy 25 žniŭnia adbyŭsia pažar. Ahniom paškodžany dźvie tony nasieńnia lonu, paviedamlaje pres-słužba Ministerstva pa nadzvyčajnych situacyjach Biełarusi.
Da pryjezdu supracoŭnikaŭ MNS ahniom byŭ achopleny ŭvieś budynak zierniesušyłki — prykładna 450 kv. mietraŭ. Da ich źjaŭleńnia z raspaŭsiudžvańniem ahniu zmahalisia členy dobraachvotnaj pažarnaj družyny pradpryjemstva.
Bajcy pažarnaj słužby spravilisia z pažaram za 20 chvilin, adnak da hetaha času pažar užo paškodziŭ dźvie tony nasieńnia lonu i źniščyŭ 100 kv. mietraŭ dachu. Supracoŭniki MNS miarkujuć, što pryčynaj uźniknieńnia ahniu staŭ pierahreŭ katła.
MNS paviedamlaje, što inśpiektary nahladu i prafiłaktyki pry praviercy abjektaŭ AAT «Lidlon» nie raz «prapanoŭvali demantavać sušyłku z pryčyny nieadpaviednaści ciepłahienierujučaj ustanoŭki nie zavadskoha vyrabu patrabavańniam norm i pravił pažarnaj biaśpieki». «Adnak kiraŭnictva praihnaravała zaŭvahu rabotnikaŭ MNS, a vynik nie prymusiŭ siabie doŭha čakać», — padkreślili ŭ pres-słužbie ministerstva.
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni13
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary