Biełaruska Natalla Trafimava pryznana samaj hłamurnaj udzielnicaj konkursu pryhažości «Misis Suśviet-2014», jaki 21-29 žniŭnia prachodziŭ u stalicy Małajzii Kuała-Łumpury.
Pieršapačatkova ŭdzielnicaj šou była zajaŭlena «Misis Biełaruś» Julija Pierahudava, adnak pa siamiejnych pryčynach jana nie zmahła pryjechać na forum. Pa ŭmovach konkursu kraina mahła pazbavicca prava delehiravać svaju pradstaŭnicu na nastupny hod, tamu mižnarodnaje žury zaprasiła vystupić udzielnicu ad Biełarusi 2012 hoda — Natallu Trafimavu.
Usiaho za pieramohu zmahalisia 40 pryhažuń. Novaj «Misis Suśvietu» stała amierykanka Sabryna Pińjon, druhoje miesca zaniała Robin Morysan ź Vialikabrytanii, treciaj stała rasijanka Kaciaryna Płatko.
Natalla Trafimava pryznałasia, što spaborničać biez padrychtoŭki było ciažkavata. Tym nie mienš jana hodna pradstaviła krainu, atrymaŭšy tytuł samaj hłamurnaj udzielnicy — «Mrs Glamorous» — i pryzy ad sponsaraŭ.
Biełaruskaj udzielnicy 37 hadoŭ. Jana paśpiachovy advakat (jurydyčny staž pracy bolš za 15 hadoŭ) i hramadski dziejač. Vychoŭvaje 13-hadovaha syna Andreja.
«U Minsk z Małajzii ja viazu vielmi cikavyja prapanovy pa palapšeńni inviestycyjnaha klimatu ŭ Biełarusi. Moj dakład pra respubliku, jaje sacyjalna aryjentavanuju palityku, nakiravanuju na karyść naroda, vyklikaŭ žadańnie małazijskich biźniesmienaŭ bolš daviedacca pra našu krainu», — adznačyła Natalla.
