Chłopcam z barodami dy dziaŭčatam z kosami načny kłub abiacaje biaspłatny ŭvachod.
Viečaryna anansavanaja na subotu 6 vieraśnia ŭ kłubie «Alphacentauri». U čym jaje «ruskaść»? Uvieś viečar majuć ihrać rasiejskija chity 1980-2000-ch, za stojkaj — stajać «iskonno russkije barmieny», mieniu taksama — «russkoje». U prahramie jość i zahadkavy «nastojaŝij russkij traktor», pryznačeńnie jakoha arhanizatarmi nie raskryvajecca.
Fiška viečaru — biaspłatny ŭvachod baradatym chłopcam dy dziaŭčatam z kosami. Cikava, čamu mienavita hetyja aznaki byli ŭziatyja za «ruskija»? Zaplecienyja kosy — tradycyjny elemient absalutnaj bolšaści jeŭrapiejskich kulturaŭ, u tym liku biełarusaŭ, a barody — aznaka chutčej musulmanaŭ albo słužycielaŭ kultu RPC…
Zrešty, dadzienyja simvały — rekłamnyja ŭmoŭnaści.
Viečarynki «z ruskim duškom», na žal, nie navina navat dla Zachodniaj Biełarusi. Naprykład, u skidzielskim moładzievym centry Jamuviesnu «Russkaja diskotieka» prypadała akurat na 26 krasavika — hadavinu Čarnobylskaj katastrofy. Adnak u čas rasijskaj ahresii va Ukrainie ŭvieś hety bałahan vyhladaje paŭdurkavata.
«Moža, bajaŭsia zastavacca ŭ šlubie sa mnoj, bo pracuje na BT». Nastaŭnica, jakaja źjechała praz danosy Bondaravaj, raspaviała pra razvod i žyćcio ŭ emihracyi1414
Kamientary