U Minska-Mahiloŭskaj dyjacezii dazvolili viernikam 9 maja nie trymać piatničny post
Katalickim viernikam Minska-Mahiloŭskaj archidyjacezii dazvolili nie prytrymlivacca pasta ŭ piatnicu, 9 traŭnia, z nahody dziaržaŭnaha śviata Dnia pieramohi. Takoje rašeńnie pryniaŭ Mitrapalit Minska-Mahiloŭski, arcybiskup Juzaf Stanieŭski, piša Katolik.life.
Juzaf Stanieŭski daje dyśpiensacyju (vyzvaleńnie) ad abaviazku ŭstrymańnia ad spažyvańnia miasnych straŭ u hety dzień, matyvujučy rašeńnie tym, što «śviatkavańnie dziaržaŭnaha śviata Dnia pieramohi maje vialikaje značeńnie dla viernikaŭ».
Dazvoł nie prytrymlivacca abaviazkovaha dla chryścijan postu ŭ piatnicu z nahody śvieckich śviataŭ ličycca redkaściu i navat nonsensam, adznačaje Katolik.life. Minuły raz mitrapalit Stanieŭski davaŭ takuju dyśpiensacyju na 8 sakavika 2024 hoda, što vyklikała rezanans siarod viernikaŭ.
Biskupy inšych dyjacezij tady nie davali takich dazvołaŭ svaim viernikam. Ciapier taksama pakul nie paviedamlajecca pra anałahičnyja rašeńni ŭ troch inšych katalickich dyjacezijach Biełarusi. Pravasłaŭnym viernikam padobnych vyzvaleńniaŭ taksama nie davali.
Pavodle ciapierašniaha rašeńnia Juzafa Stanieŭskaha, dyśpiensacyja raspaŭsiudžvajecca taksama na ŭsich katolikaŭ, jakija ŭ hety dzień buduć znachodzicca na terytoryi archidyjacezii. Usich, chto budzie karystacca dazvołam, arcybiskup zaachvočvaje da malitvy ŭ intencyi achviaraŭ vojnaŭ i ŭzbrojenych kanfliktaŭ.
«Apošnimi dziećmi, jakich błasłaviŭ Papa Francišak, byli maje». Biełaruski biznesoviec raspavioŭ, jak chryściŭ synoŭ u Vatykanie
Ksiandza Akałatoviča pieraviali ŭ kałoniju ŭ dzień śviatkavańnia Vialikadnia
Takim my jaho jašče nie bačyli: arcybiskup Kandrusievič vyrabiŭ kryž
Čamu biełarusaŭ nie pryznačajuć kardynałami?
Kamientary
Niaŭžo paśla hetaha ŭ Biełarusi jašče znojducca durni, jaki chadzićmuć u cerkvy i kaścioły?