Pivavarnaja kampanija «Bałtyka» nie planuje ŭ najbližejšy čas investavać srodki ŭ kuplu mahutnaściaŭ u Biełarusi.
«Ci źjaviacca takija płany nadalej, budzie bačna», — zaznačyŭ śpiecyjalist.
Takim čynam A.Kiedryn abvierh paviedamleńnie infarmacyjnaha ahienctva Interfaks‑Zachad ab tym, što rasijskaja pivavarnaja kampanija «Bałtyka» znoŭ maje žadańnie stvaryć vytvorčaść u Biełarusi. Pra heta, pavodle infarmacyi ahienctva, 30 listapada na sieminary kirujučych rabotnikaŭ respublikanskich i miascovych dziaržorhanaŭ u Minsku zajaviŭ prezident Biełarusi. Alaksandr Łukašenka nibyta nahadaŭ, što «Bałtyka» ŭžo rabiła sprobu zajści na biełaruski rynak «abchodnymi šlachami, nie vykanaŭšy ŭmoŭ inviestavańnia». «Bałtyka» hatova siońnia vykonvać nie 30, jak tady, a 37 umoŭ, kali im dazvolać pracavać na našym rynku», — cytuje prezidenta Interfaks‑Zachad.
Jak paviedamlaŭ BiełaPAN, 26 listapada na sustrečy z žurnalistami ŭ Minsku dyrektar pa eksparcie kampanii «Bałtyka» Dźmitryj Kiścieŭ taksama zajaviŭ, što ŭ «Biełarusi pakul nie płanujecca inviestavać srodki ŭ licenzijny vypusk piva, jaki ciapier ažyćciaŭlajecca va Ukrainie i Vialikabrytanii». Pavodle źviestak dyrektara pa eksparcie, u 2007 hodzie ŭ Biełarusi budzie pradadziena prykładna 5 młn. dał piva marki «Bałtyka». U krainu pastaŭlajecca 20% ahulnaha abjomu ekspartnaha prodažu kampanii, i jana zajmaje treciaje miesca pa abjomach prodažu paśla Kazachstana i Ukrainy. Abjom prodažu za dzieviać miesiacaŭ hetaha hoda skłaŭ pryblizna 4 młn. dał, što na 30% bolš, čym za adpaviedny pieryjad minułaha hoda. Rost prodažu pieravysiŭ rost rynku, jaki aceńvajecca ŭ 18%.
Ciapier čytajuć
«Svoj nos ź Biełastoka jany nie vysoŭvajuć». Biełarusy Padlašša skardziacca, što biełarusy novaj chvali emihracyi nie zacikaŭlenyja supolnymi spravami2222
Kamientary