Піваварная кампанія «Балтыка» не плянуе ў найбліжэйшы час інвэставаць сродкі ў куплю магутнасцяў у Беларусі.
«Ці з’явяцца такія планы надалей, будзе бачна», — зазначыў спецыяліст.
Такім чынам А.Кедрын абверг паведамленне інфармацыйнага агенцтва Інтэрфакс‑Захад аб тым, што расійская піваварная кампанія «Балтыка» зноў мае жаданне стварыць вытворчасць у Беларусі. Пра гэта, паводле інфармацыі агенцтва, 30 лістапада на семінары кіруючых работнікаў рэспубліканскіх і мясцовых дзяржорганаў у Мінску заявіў прэзідэнт Беларусі. Аляксандр Лукашэнка нібыта нагадаў, што «Балтыка» ўжо рабіла спробу зайсці на беларускі рынак «абходнымі шляхамі, не выканаўшы ўмоў інвеставання». «Балтыка» гатова сёння выконваць не 30, як тады, а 37 умоў, калі ім дазволяць працаваць на нашым рынку», — цытуе прэзідэнта Інтэрфакс‑Захад.
Як паведамляў БелаПАН, 26 лістапада на сустрэчы з журналістамі ў Мінску дырэктар па экспарце кампаніі «Балтыка» Дзмітрый Кісцеў таксама заявіў, што ў «Беларусі пакуль не плануецца інвеставаць сродкі ў ліцэнзійны выпуск піва, які цяпер ажыццяўляецца ва Украіне і Вялікабрытаніі». Паводле звестак дырэктара па экспарце, у 2007 годзе ў Беларусі будзе прададзена прыкладна 5 млн. дал піва маркі «Балтыка». У краіну пастаўляецца 20% агульнага аб’ёму экспартнага продажу кампаніі, і яна займае трэцяе месца па аб’ёмах продажу пасля Казахстана і Украіны. Аб’ём продажу за дзевяць месяцаў гэтага года склаў прыблізна 4 млн. дал, што на 30% больш, чым за адпаведны перыяд мінулага года. Рост продажу перавысіў рост рынку, які ацэньваецца ў 18%.
Каментары