SAAT «Kamunarka» zapuścić 12 vieraśnia liniju pa vytvorčaści šakaładu z bujnymi dabaŭkami i načynkami, paviedamiła namieśnik hienieralnaha dyrektara pradpryjemstva pa vytvorčaści Taćciana Sajhanava.
Na linii vartaściu 4,3 młn jeŭra buduć vyrablać bolš za 15 novych najmieńniaŭ šakaładu. «My budziem vypuskać šakaład z takimi dabaŭkami, jak sublimavanyja čarnicy, apielsinavaja cedra, a taksama małočny šakaład z fundukom, z fundukom i razynkami, z salonym arachisam. Navinki pastupiać u prodaž u siaredzinie vieraśnia — pačatku kastryčnika», — raskazała Taćciana Sajhanava.
Pradukcyjnaść linii pry poŭnaj zahruzcy składaje 1 t pradukcyi ŭ hadzinu, da 15 t u sutki. Dziakujučy jaje rabocie abjomy vytvorčaści šakaładu na pradpryjemstvie pavialičacca na 5,5 tys. t da 23 tys. t u hod.
Taćciana Sajhanava adznačyła, što ŭ 2015 hodzie «Kamunarka» stavić pierad saboj zadaču pavialičyć vytvorčaść pradukcyi praktyčna ŭ dva razy. Niadaŭna na pradpryjemstvie zapuścili novuju vafielnuju liniju, u kancy vieraśnia na fabryku pastupić abstalavańnie dla novaj mohulnaj linii. Jaje pradukcyjnaść składzie 1,5 t u hadzinu. Na linii buduć vyrablać sufle, tofi, nuhu, žele. «Akramia taho, my źviarnulisia ŭ Minharvykankam z prośbaj vydzielić nam placoŭku pa-za terytoryjaj «Kamunarki», za horadam, dzie my chacieli b arhanizavać vytvorča-składski kompleks. Na jaho terytoryi płanujem raźmiaścić cech pa pieršasnaj pierapracoŭcy kakava-ziarniat, a taksama łahistyčny centr i, mahčyma, firmienny mahazin, dzie budziem handlavać optam», — skazała namieśnik hienieralnaha dyrektara pa vytvorčaści.
Jana padkreśliła, što ŭsie padraździaleńni pradpryjemstva prykładajuć maksimum namahańniaŭ dla naroščvańnia ekspartnych pastavak. «Na heta ciapier pracujuć usie słužby kampanii: technołahi zajmajucca smakami, dyzajniery - raspracoŭkaj upakovak, aktyŭna pracuje adździeł markietynhu i rekłamy», — adznačyła Taćciana Sajhanava. Abjom ekspartu pradpryjemstva płanujecca davieści ź ciapierašnich 20 pracentaŭ da 30 pracentaŭ i bolš.
SAAT «Kamunarka» źjaŭlajecca viadučym vytvorcam kandytarskich vyrabaŭ u Biełarusi. Vypuskaje bolš za 200 najmieńniaŭ pradukcyi, štohod źjaŭlajecca 15-20 navinak.
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha40
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141141
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary