U Babrujsku 73‑hadovy piensijanier zabiŭ 82‑hadovaha paśla 25‑ci hadoŭ siabroŭstva
Śledčy kamitet paviedamiŭ padrabiaznaści zabojstva 82‑hadovaha žychara Babrujska, u jakim abvinavačvajecca jahony 73‑hadovy znajomy. Złačynstva adbyłosia 10 lutaha.
U toj dzień 73‑hadovy piensijanier pajšoŭ u kramu pa pradukty i vypadkova sustreŭsia sa svaim daŭnim siabram, ź jakim byŭ znajomy bolš za 25 hadoŭ. Starejšy mužčyna zaprasiŭ jaho da siabie dadomu, kab adznačyć niadaŭni dzień naradžeńnia. Pa darozie mužčyny kupili ałkahol i raspačali zastolle ŭ kvatery.
U chodzie pracesu piensijaniery ŭspomnili daŭni kanflikt. Pamiž imi ŭźnikła svarka, jakaja pierarasła ŭ bojku. Pavodle materyjałaŭ śledstva, hość schapiŭ kuchonny nož i nanios haspadaru šmatlikija ŭdary. Cieła zahinułaha praz try dni znajšła jaho dačka.
Asobu padazravanaha ŭdałosia ŭstanavić dziakujučy zapisam kamier videanazirańnia. Padčas śledstva byli praviedzienyja pravierka pakazańniaŭ na miescy i niekalki śledčych ekśpierymientaŭ.
Abvinavačany całkam pryznaŭ vinu i daŭ padrabiaznyja pakazańni. Raniej jon nie byŭ sudzimy, a svajaki i susiedzi charaktaryzavali jaho stanoŭča.
Ciapier žychar Babrujska paŭstanie pierad sudom pa abvinavačańni ŭ zabojstvie zaviedama sastarełaha čałavieka, učynienym z asablivaj žorstkaściu. Da pačatku sudovaha razhladu jon znachodzicca pad vartaj.
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami21
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary
U Biełarusi zabojstva prosta pobač, biez daj pryčyny, ad daŭniaha siabra, svajaka, susieda.